Bas júldege bergisiz jeńis

Osydan eki jyl buryn Qy­­taıdyń «I am a singer» jobasy arqyly teńdes­­siz ta­lantymen Dı­­mash Qudaı­ber­gen jahan nazaryn jaýlasa, kú­ni keshe reseılik «Golos. De­tı» baıqaýy jáne bir jas da­rynnyń juldyzyn jaǵyp, qazaq atyn álemge máshhúr et­ti. Ol – Erjan Mak­sım feno­me­ni.

1925 jyly Parıjde ótken dú­nıe­júlik etnografııalyq kór­mede shyńyltyr únniń sheksiz múmkindigin kór­setip, Eýropanyń tal­ǵampaz tyńdarmanyn bas ıgiz­gen Ámire fenomeni án sa­lyp shy­ny staqandy shy­ty­natqan Er­jan Maksım daýy­sy arqyly tórtkúl dú­nıe tyń­darmanyn taǵy bir márte dúr silkintti.

On bir jasar oraldyq órenniń óne­rin joba bastal­ǵaly jiti baqy­lap, jankúıer bol­ǵan tyńdarman qaýym baı­qaý sońyna deıin taqym qysyp, demin ishine tarta jas ta­­­lanttyń jeńim­paz bo­lý sátin asy­ǵa kútkeni ras. О́ıt­keni kómbe sy­­zyǵyn bi­rinshi bolyp keserine jer­­les jankúıerleri ǵana emes, Alla Pýgacheva, Igor Krýtoı, Valerıı Me­­­­­­ladze, Maksım Galkın bastaǵan Re­seı­diń belgili mýzyka mamandary da senimdi bolǵan. Áıtse de baıqaý bolǵan soń kút­ken nátıjeniń barlyǵy birdeı ádiletti bolyp, aqı­qatqa aınala bermeıtinin «Golos. Detı» jobasy jáne bir márte dáleldep berdi.

2019  jyldyń  26  sáýirinde ja­rııa­­lanǵan aqtyq fınal qory­tyn­dysy, ıaǵnı telefon arqyly jal­pyhalyqtyq daýys berý nátı­jesi kóp­tiń na­ra­zylyǵyn týdyrdy. Reseılik za­man­­­­­­­­­dasy Mı­kella Ab­ra­movadan ke­ıin­gi 2-oryn tu­­­ǵy­­rynan kóringen Er­jannyń je­­­ńi­si jankúıerler men mýzyka­ ma­­man­darynyń kóńilinen shyq­pa­dy. Áleýmettik jeli ar­­qyly ún­­­deý joldaǵan Re­seıdiń belgili estrada án­­shileri baıqaýdyń ádi­let­ti ótkenine kóz jetkizý úshin qo­ry­tyn­dy nátıjeni joba uıymdas­ty­rýshylarynan qaı­­­ta qarap, tek­serýin talap etti. Kóptiń talaby es­keý­siz qal­maı, baıqaý ná­­­tı­jesi qaı­ta qaralyp, daýys be­rýdegi olqylyqtar anyqtaldy. Ná­tı­jesinde, joba tarıhynda tuń­­­­ǵysh ret aqtyq fınal ekinshi ret ótkiziletin bolyp sheshim qa­byldandy. Sóıtip 24 mamyrda qo­ry­tyndy gala-konsert qaıta uıymdastyrylyp, aqtyq fınalǵa shyqqan bar­lyq ónerpazǵa birdeı 1 mıllıon rýbl kó­lemindegi syılyq pen arnaıy dıplom tabys etildi.

Iá, bul joly Gran-prı bolmady. Baıqaý aqtyq fı­nalǵa shyqqan barlyq qa­ty­sýshyny jeńimpaz dep tanydy. Sóz sońynda joba uıym­­­das­­ty­rýshylary Erjan Mak­­sımge qarata mun­daı ol­qy­lyqtyń alda­­ǵy baı­qaý­larda oryn alýyna jol ber­meı­­tindikterin aıtyp, kóp­shilik qa­ýym aldynda ýáde berdi.

«Birinshi arnanyń» bas dırektory Konstantın Ernstiń ózi qazaq­standyq ánshige: «Erjan, Birinshi arnada eshteńe satylmaıtynyn bi­le­siń endi» dep aıtqanynyń ózi qazaq óre­­­nine degen erekshe qurmet, ta­lan­tyn baǵa­laǵandyq bolyp tabylady.

Al jas ánshiniń ózi bolsa: «Meniń bul baıqaýda bas júlde al­maǵanym durys ta bolǵan se­kildi. Eger je­ńim­paz bolsam, bar­lyǵy qut­tyqtap qa­na qoıa salar ma edi. Al Gran-prı­ emes, 2-oryn alýym qoǵamda úl­ken rezonans tý­dyryp, kóptegen mý­zy­ka ma­man­­­­ynyń, jalpy tyńdar­mandardyń nazaryn aýdardy. Joba qory­tyndysy qaıta qa­ral­dy. Dál mun­daı silkinis bolady dep tipti de oılamaǵan edim.­ Biraq, baıqaý nátı­jesine, jas ónerpazdardyń talantyna degen mýzyka mamandarynyń jan­ashyr­lyǵy balalar baı­qaýynda ádi­lettiliktiń bar ekenin kór­setip berdi. Me­nimen bir­ge aqtyq fı­nal­ǵa ótken dos­tarymnyń bá­rin jeńimpaz dep sanaımyn. Olar­dyń bar­lyǵy bir­deı myqty, ta­lant­ty. Men úshin jeńis emes, tyń­­dar­mandardyń meniń óne­­rime osy­­laı jankúıer bo­lýynan ar­tyq baǵa joq», deıdi.

Mine, osylaısha qazaqtyń qa­ra ba­lasynyń teńdessiz talanty baıqaý tarıhynda tuńǵysh ret Re­seıdegi eń aýqymdy da bedeldi jo­banyń ná­tıjesin ózgertip, óner ále­minde shyn máninde silkinis týdyra aldy. Al bul – sózsiz bas júldege bergisiz jeńis!