Sýretti túsirgen Nurlybek RAHMAN
«Rýhanı jańǵyrý» baǵdarlamasy aıasynda alǵash ret táýelsiz Qazaqstan tarıhynda joǵary ulttyq jáne halyqaralyq qyzyǵýshylyq nysany bolatyn «Qazaqstannyń kıeli jerleriniń geografııasy» jobasy aıasynda aýqymdy sharalar júzege asyrylýda. Bul jobany tıimdi júzege asyrý maqsatynda arnaıy Jumys toby men Jobalaý keńesi jáne Qazaqstan Respýblıkasy Ulttyq mýzeıi janynan «Qasıetti Qazaqstan» ólketanýdy damytý ortalyǵy jumys atqarýda. Ortalyq janynan qurylǵan ǵylymı-saraptamalyq keńes elimizdegi qasıetti tarıhı-mádenı oryndardy anyqtap, olardyń ulttyq-ıdeologııalyq deńgeıin naqtylaýda» deıdi Qazaqstan Respýblıkasy Mádenıet jáne sport mınıstri Arystanbek Muhamedıuly osy eńbektiń kirispe sózinde.
Aıta keteıik, «Qasıetti Qazaqstan» kóptomdyǵynyń alǵashqy jınaǵy 2018 jyly jaryq kórdi. Onda Almaty jáne Aqmola oblystary, Almaty men Nur-Sultan qalalaryndaǵy kıeli nysandar shoǵyrlanǵan bolatyn. Osylaısha Qazaqstannyń barlyq óńiri qamtylyp, bul jınaq kezek-kezegimen baspadan shyǵady. Jınaq eki tilde – qazaq jáne orys tilderinde daıyndalǵan.
Kitapta Qazaqstannyń batys aýmaǵyndaǵy qasıetti oryndar men keshender, kıeli jerler men tabıǵı landshaft eskertkishteri, el tutqasy bolǵan tarıhı tulǵalary engizilgen. Jınaqta Batys Qazaqstan oblysynan 137 nysan bar. Jınaqty qurastyrýda negizinen jergilikti ólketanýshylardyń usynysy men shyǵarmalary paıdalanylǵan. Berik Ábdiǵalıulynyń aıtýynsha, bul tizim bolashaqta tolyqtyryla bermek. Osylaısha ár oblystyń jeke ensıklopedııasy da paıda bolýy múmkin.
Dál osy kúni mýzeı salasynyń ardageri Sara Tanabaeva men 1941-1945 jyldardaǵy Uly Otan soǵysyndaǵy qazaqtar tarıhyn júıeli zerttep júrgen Ahmedııar Batyrhanov «Úzdik ólketanýshy» tósbelgisimen marapattaldy.
