5 naýryz kúni Qazaqstanǵa jolaýshylardy alyp kelý úshin qazaqstandyq jáne sheteldik áýe kompanııalar taǵy birneshe reıs oryndaıdy.
Air Astana áýe kompanııasy Jıdda – Aqtaý – Almaty jáne Jıdda – Atyraý – Almaty baǵyttary boıynsha eki reıs oryndaýdy josparlap otyr.
SCAT Airlines áýe kompanııasymen Maskat – Almaty baǵyty boıynsha 2 reıs oryndalady.
Taıaý Shyǵys elderinen qazaqstandyqtardyń kezekti legi elge aman-esen jetkizildi
Air Arabia áýe kompanııasy Shardja – Almaty baǵyty boıynsha reıs oryndaýda. Táýliktiń sońyna deıin osy baǵytta taǵy bir reıs josparlanǵan.
Flydubai áýe kompanııasy Dýbaı qalasynan Almaty jáne Astana qalalaryna reıster jasaýdy josparlap otyr (jolaýshylar sany naqtylanýda).
Al 3 naýryzdan bastap Taıaý Shyǵys elderinen Qazaqstan Respýblıkasyna barlyǵy 12 reıs ushyp keldi, nátıjesinde 2 111 jolaýshy elge oraldy.
Taıaý Shyǵystaǵy qaqtyǵysqa qatysty Qazaqstannyń ustanymy qandaı?
Búgingi kúnmen qosqanda Taıaý Shyǵys elderinen Qazaqstanǵa shamamen 4 000 azamat jetkiziledi.
Qazaqstan azamattaryn elge qaıtarý jumystary ýákiletti memlekettik organdar men áýe kompanııalarynyń birlesken jumysy aıasynda jalǵasyp jatyr.
Eske salaıyq, Taıaý Shyǵystaǵy saıası ahýaldyń ýshyǵýyna baılanysty Air Astana birqatar halyqaralyq baǵyttar boıynsha shekteýlerdi uzartty.
Buǵan deıin Taıaý Shyǵystaǵy qaqtyǵys saldarynan 13 reıs toqtatylǵanyn jazǵan bolatynbyz. Sondaı-aq Taıaý Shyǵystaǵy ahýaldyń ýshyǵýyna baılanysty Qazaqstannyń shet elderdegi mekemeleriniń jedel baılanys jáne «jedel jeli» nómirleriniń iske qosylǵany habarlanǵan edi. Sonymen qatar Dýbaıdan Oman arqyly 467 otandasymyz elge jetkizildi.
Al Flydubai áýe kompanııasy Dýbaı qalasynan Astana jáne Almaty qalalaryna eki evakýasııalyq reısti oryndady.
