Mınıstrliktiń Instagram-daǵy paraqshasynda jarııalanǵan málimetke súıensek, bir ushqyshsyz ushý apparaty Nahchyvan áýejaıy termınalynyń ǵımaratyna túsken, al taǵy bir dron Shakarabad aýylyndaǵy mekteptiń mańyna qulaǵan.
Dron shabýylynyń saldarynan ǵımarattarǵa zaqym kelip, eki beıbit turǵyn jaraqat alǵan.
«Iran Islam Respýblıkasynyń aýmaǵynan jasalǵan, áýejaı ǵımaratyna zaqym keltirip, eki beıbit turǵynnyń jaraqat alýyna ákelgen bul dron shabýyldaryn biz qatań aıyptaımyz», delingen málimdemede.
Irannyń drony Ázerbaıjan aýmaǵyna qulady: Shekaraǵa ásker toptastyrylyp jatyr
Vedomstvonyń málimetinshe, Ázerbaıjan aýmaǵyna jasalǵan mundaı shabýyl halyqaralyq quqyqtyń normalary men qaǵıdattaryn buzyp, óńirdegi shıelenistiń kúsheıýine sebep bolady.
Eldiń Syrtqy ister mınıstrligi Irannan qysqa merzim ishinde resmı túsinikteme berýdi, oqıǵa boıynsha tergeý júrgizýdi jáne mundaı shabýyldardyń qaıtalanbaýy úshin tıisti sharalar qabyldaýdy talap etti.
Túrkııa prezıdenti Iran zymyranynyń joıylýyna qatysty pikir bildirdi
Sondaı-aq Irannyń Ázerbaıjandaǵy tótenshe jáne ókiletti elshisi Syrtqy ister mınıstrligine shaqyrylyp, oǵan narazylyq notasy tabystalatyny habarlandy.
