Elimizdiń taǵdyry óz qolymyzda!

Seısenbi, 2 sáýir 2013 0:07

Elimiz ben onyń azamattarynyń birligi Qazaqstannyń ári qaraıǵy damýynyń negizi bolǵan, solaı bolyp qala beredi. Osyǵan baılanysty otandastarymyzdyń naqty ómiri arqyly elimizdiń tabysyn, onyń azamattarynyń tabysyn kórsetýdi maqsat etetin jyl saıynǵy «Elimniń taǵdyry – meniń taǵdyrym!» respýblıkalyq forýmyn ótkizý ıdeıasy dúnıege kelgen bolatyn.

Seısenbi, 2 sáýir 2013 0:07

Elimiz ben onyń azamattarynyń birligi Qazaqstannyń ári qaraıǵy damýynyń negizi bolǵan, solaı bolyp qala beredi. Osyǵan baılanysty otandastarymyzdyń naqty ómiri arqyly elimizdiń tabysyn, onyń azamattarynyń tabysyn kórsetýdi maqsat etetin jyl saıynǵy «Elimniń taǵdyry – meniń taǵdyrym!» respýblıkalyq forýmyn ótkizý ıdeıasy dúnıege kelgen bolatyn.

«Elimniń taǵdyry – meniń taǵdyrym!» jalpyqazaqstandyq forým aıasyndaǵy sharalar ótken aptada Qyzylorda, Atyraý jáne Qaraǵandy oblystarynda uıymdastyryldy.

Qyzylorda oblysynyń Qarmaqshy aýdanyndaǵy saltanatty sharaǵa aý­dannyń tanymal tulǵalary, memlekettik or­gandar, ÚEU, ıntellıgensııa men jas­tar ókilderi jınaldy.
«Men 1940 jyly Grýzııada dúnıege keldim, – dep bastady qatysýshylarǵa óz ómirinen syr shertken T.Dıamýrshaev. – Jasym 4-ke tolǵan kezde otbasymyzben Qazaqstandaǵy Qyzylorda oblysynyń Qarmaqshy aýdanyna qonys aýdaryppyz. Búgingi tańda biz – qazaqstandyq grý­zınder osy ólkede baqyttymyz dep maqtanyshpen aıta alamyn. Bizdiń bári­men teńdeı múmkindikterimiz bar. Bizde Qazaqstan halqy Assambleıasy jumys isteıdi. Qazaqstandaǵy osynaý ınstıtýttyń úlgisi álemde moıyndalǵan, al onyń ultaralyq tatýlyq pen kon­fessııaaralyq kelisimdi nyǵaıtýǵa ba­ǵyttalǵan saıasatty júrgizýdegi táji­rıbesin alys jáne jaqyn shet elder de qabyldap jatyr».
Jas kóshbasshy Muhtar Ybyraev Máskeýde (Reseı) dúnıege kelgen, biraq Qazaqstan egemendigine qol jetkizgen kezde tarıhı Otanyna oraldy: «Bizder – ata-babalarymyz kúresken, armandaǵan táýelsizdiktiń kýágerlerimiz. Endi bizdiń urpaqtyń kezegi keldi. Qazaqstannyń bolashaǵy – bizdiń qolymyzda! Halyq danalyǵynda «Ne ekseń, sony orasyń» degen támsil bar, tek jaqsylyq pen ıgiliktiń, bilim men otanshyldyqtyń dánin sebeıik…».
Is-shara sońynda aýdan ákiminiń orynbasary E.Qalıev №250 mektep-lıseıdiń 11 synyp oqýshysy, oblystyq «Erýdıt» ıntellektýaldyq olımpıadasynda bas júldege ıe bolǵan Aıjan Ahmetova men úıde oryn alǵan órtte erlik kórsetip, úı ishinen gaz ballonyn alyp shyqqan №3 órt sóndirý bóliminiń órt sóndirýshisi, órtke qarsy qyzmettiń kishi serjanty Dáýren Shaıhymuratovty jáne «Qazaqtelekom» agenttiginiń monteri Seksenbaı Jıenbaevty marapattady.
Aýdandyq forým Bekbolat Tileý­hannyń «Elim meniń ańsaǵan» ánimen qorytyndylandy.

* * *
Atyraý oblysynyń Inder jáne Mahambet aýdandarynda ótkizilgen is-sharanyń basty maqsaty óńirlerdiń qa­lyptasýy men júıeli damýyna, sol ar­qy­ly tutastaı táýelsiz Qazaqstannyń da­mýyna súbeli úles qosqan aýdan tur­ǵyn­darynyń jetistikterin kórsetý boldy.
Mahambet aýdanyndaǵy forýmnyń basynda ánuran oryndalyp, «Elimniń taǵdyry – meniń taǵdyrym!» fılmi kórsetildi. Sharanyń resmı bóligin aýdan ákimi Erlan Jańabaev ashyp, jınal­ǵandardy osynaý aıtýly oqıǵamen qut­tyqtady.
Jerlesterine óz ómirlerinen syr sher­tip, jetistikterimen bóliskenderdiń qatarynda Mahambet aýdandyq más­lıhatynyń hatshysy, Máskeý qalasynda ótken Búkilodaqtyq halyq sharýashylyǵy kórmesiniń qola medal ıegeri Asqar Qurmanbaev, «Qurmet» ordeniniń, «Astana» medaliniń ıegeri Amanjol Esqaraev, aýdannyń 80 jastaǵy turǵyny, kópbalaly ana Nurbıbi Ábdirahmanova, aqyn, «Jaıyq shuǵylasy» aýdandyq gazetiniń bas redaktory, Jýrnalıster odaǵynyń múshesi Nurym Erǵalıev, aýdandyq máslıhat depýtaty Maqash Bısenova, aýdandyq áıelder keńesiniń tóraıymy Jibek Mýgaýova, «Qurmet» ordeniniń ıegeri Vladımır Rozmetov, mektep-gımnazııanyń 10 synyp oqýshysy, jastar qozǵalysynyń belsendisi Dinmuhammed Luqpanov jáne t.b. boldy.
«Maǵan keńes kezinde de, qazir de jumys jasaý baqyty buıyrypty. Árıne, ár dáýirdiń óz artyqshylyqtary bolady. Keńes Odaǵy kezinde de biz kóptegen jaqsylyqtardy kórdik, mysal úshin aıtsaq, jumyssyzdyq degen atymen bolmaıtyn. Alaıda, biz óz jerimizdiń, óz taǵdyrymyzdyń qojasy bola almadyq…», dedi forýmnyń qaty­sýshylaryna Asqar Qurmanbaev.
«Men jáne meniń zamandastarym – Qazaq eliniń baqytty urpaǵy. О́ıtkeni, biz elimizdiń kóterilip kele jatqan, damyp, órkendeı túsken ýaqytynda ómir sú­rip jatyrmyz – dep málimdedi mektep oqýshysy Dinmuhammed Luqpanov. – Ota­nymnyń ıgiligi úshin eńbek etip, táýelsiz Qazaqstanǵa bar jan-tánimmen qyz­met etetin bolamyn dep ýáde bere­min!»
«Elimniń taǵdyry – meniń taǵdyrym!» forýmynyń aıasynda qatysýshylar «ATOM» Jobasynyń petısııasyna qol qoıdy.
Atyraý oblysynyń Inder aýda­nyn­daǵy forýmda spıkerlerdi jınalǵandar zor qoshemetpen qarsy aldy. Búgingi kúnniń mundaǵy erleriniń qatarynda jergilikti ıntellıgensııa, ardagerler ókilderi – Jýrnalıster odaǵy syı­ly­ǵynyń laýreaty Sansyzbaı Bazarbaev, Inder kópbeıindi aýylsharýashylyq kol­ledjiniń oqytýshysy Altybaı Er­muhanov, Chernobyl apatynyń saldaryn joıý­ǵa qatysqan Aqylbek Haıyrlıev, aýdan­dyq «Dender» gazetiniń tilshisi, Inder aýdany boıynsha «Jas Otan» JQ atqarýshy hatshysy Suńqar Kóshekov, kópbalaly ana Farıda Ǵumarova kórindi.
«Tarıhtyń qas-qaǵymdaı qysqa merziminde bizdiń jas memleketimiz jetistikterge qol jetkizip úlgerdi, – dedi forýmda sóz sóılegen Sansyzbaı Bazarbaev. – Búginde táýelsizdigimizge 21 jyl toldy, bul kóp te emes, alaıda atqarylǵan ister barshylyq, ony álemdik qoǵamdastyq ta tanydy».
«Chernobyl apatynyń saldaryn joıýǵa qatysqandyqtan, men ıadrolyq synaqtyń qasiretin jaqsy bilemin, – dedi qatysýshylarǵa Aqylbek Haıyrlıev. – Keńestik memlekettiń qateligi men salǵyrttyǵynan myńdaǵan kinásiz otbasylar zardap shekti… Prezıdentimiz qazaq jerindegi ıadrolyq synaqtarǵa «Jol berilmeıdi!» dedi. Sózinde turdy. Keńes zamanynyń ózinde qaımyqpastan Semeı polıgonyn japty».
Is-shara «ATOM» Jobasynyń petı­sııasyna qol qoıý, alǵys hattarmen mara­pat­­taýmen jalǵasty, sońynda «Ata­me­ken» ánin jınalǵandar qosylyp birge shyr­qady.
* * *
Qaraǵandy oblysynyń Temirtaý qala­synda ótken saltanatty shara Tuń­ǵysh Prezıdenttiń tarıhı-mádenı orta­lyǵynda ótkizildi. 2011 jyly ashyl­ǵan Ortalyq – saltanatty kıiz úı túrin­degi teńdesi joq sáýletti joba. Ony Elbasynyń jaı ǵana taǵdyr jylnamasy emes, táýelsiz Qazaqstannyń da jylnamasy dep ataýǵa bolady. Murajaıdyń alty zalynda N.Nazarbaevtyń tulǵa­lyq qalyptasýy men memleket ıgiligine jasa­ǵan jumystarynyń tarıhy kórsetilgen.
Dál osy jerde, tańdanatyny joq, jerlesterine ataqty temirtaýlyqtar da óz jetistikteriniń qupııasyn pash etti.
«Men qarapaıym kenshiniń otbasynda dúnıege keldim, Máskeý avtomobıl-jol ınstıtýtyn úzdik bitirip, Qaraǵandy polıtehnıkalyq ınstıtýtyna jumysqa joldama aldym. Osy jerde 30 jyldyq – kishi ǵylymı qyzmetkerden Qaraǵandy memlekettik tehnıkalyq ýnıversıtetiniń birinshi prorektory qyzmetine deıingi eńbek jolynan óttim. Men úshin búginde elimizdiń Tuńǵysh Prezıdenti – Elbasy Nursultan Ábishuly Nazarbaevtyń ózi túlegi sanalatyn Qaraǵandy memlekettik ındýstrııalyq ýnıversıtetiniń rektory bolý úlken qurmet bolýymen qa­tar, zor jaýapkershilik júkteıdi», dedi tehnıka ǵylymdarynyń doktory, Qaraǵandy memlekettik ındýstrııalyq ýnıversıtetiniń rektory Marat Ibatov.
«Baqytymyzǵa oraı, búgin biz beı­bit elde ómir súrip jatqanymyzdy maqtanyshpen aıta alamyz, – dep atap kórsetti «Sınergııa» qoǵamdyq bir­les­tiginiń tóraǵasy, «Dostasý» medıasııa jáne quqyq ortalyǵynyń jetekshisi Maııa Blashenko. – El ıgiligi úshin túrli salada ózimizdi kórsetýge, bárin jasaýǵa, jumys isteýge múmkindigimiz mol. Bizdiń respýblıkamyzdaǵy sátti júzege asyrylyp jatqan beıbitshilik pen kelisim saıasaty bolmasa, munyń birde-birine jol joq bolar edi. Úlken ulym Sankt-Peterbýrg ýnıversıtetine emtıhandy sátti tapsyryp turǵanyna qaramastan, «О́z elimnen basqa esh jaqqa da ketpeımin!» dep Qaraǵandynyń joǵary oqý ornyna tústi».
Prezıdent N.Nazarbaevtyń kýrs­tasy, qurmetti metallýrg, «Qurmet» ordeniniń ıegeri Toqtarhan Ysqaqovtyń ómirlik ustanymy: «Metallýrgııa – meniń taǵdyrym!». Ol Semeı oblysynda dúnıege kelgen, ıadrolyq polıgondaǵy synaqtyń kýágeri. Sóz oraıynda aıta ketsek, QR halyq ártisi Roza Rymbaevamen bir aýylda ósken. Mektepti bitirgen soń, komsomoldyq joldamamen ekpindi qurylysqa – Rýdnyı qalasyndaǵy Sokolov-Sarybaı taý-ken baıytý kombınatyna barady.
«Áskerden kelgen soń, Qaraǵandy polıtehnıkalyq ınstıtýtyna oqýǵa tústim. Kóp uzamaı eldiń bolashaq Prezı­denti Nursultan Nazarbaev ta stýdent boldy… Táýelsizdik jyldarynda kóp qıyndyq kezdesti, degenmen, men táýelsiz elimizben birge kórkeıip, ósip-ónip, jetilgenimdi maqtan tutamyn. Durys tańdaý – ol seniń jasaýǵa tıisti sharýany shyn júrekten jasaǵanda ǵana bolady. Jerlesterime elimizdegi, qalamyzdaǵy sátimen, tabysty atqarylyp jatqan sharýalardyń barlyǵyn saqtaı bilip, keıin­gige jetkizsin degen tilegimdi arna­ǵym keledi», – dep sózin túıdi T.Ysqaqov.
«Meniń aıtpaǵym mynaý: qandaı ispen aınalyssań da, bastysy – shyn nıet­pen kirisý. Eger nıetiń bolmasa, ná­tıje de bolmaıdy, bos áýreshilikke aınalady. Kez kelgen isti qolǵa alǵan kezde bar jan-tánińmen kirisý kerek. Sonda ǵana ol jemisin bermek!» degen senimde sambo kúresinen álem chempıony Nıkıta Azarov.
«Árıne, sonymen birge, ózimizdi kór­­setý úshin de beıbitshilik kerek aldy­men. Qazirgi tańda Qazaqstannyń ıad­­rolyq qarýsyzdaný men ıadrolyq qaýip-qaterdi qysqartý úderisine qosqan ól­sheýsiz úlesi keńinen moıyndaldy. Biz adamdardy óz erkimen Prezıdent N.Nazarbaevtyń halyqaralyq «ATOM» Jobasyn qoldaýǵa, sóıtip, ómir súrip otyrǵan planetamyzdy urpaqtyń jar­qyn bolashaǵy úshin ıadrolyq qarýsyz álem­ge aınaldyrýǵa shaqyramyz», – dedi ol jınalǵandarǵa arnaǵan sózin qory­tyndylaı kele.
Forým aıasynda qatysýshylar ATOM Jobasynyń petısııasyna qol qoıdy.
Sondaı-aq is-shara barysynda kór­setilgen ǵylymı-ınnovasııalyq jáne áleýmettik jobalar baıqaýynyń jeńim­pazdary marapattaldy. Onnan astam jas izdenimpaz tórt baǵyt – «Innovasııa jáne ıntellekt», «Jastardyń áleý­mettik belsendiligi jáne eriktilik», «Toleranttyq. Beıbitshilik. Kelisim» baǵyttary boıynsha ózderiniń ıdeıalaryn sarapshylardyń nazaryna usyndy.
Iа.Abramaıtes, I.Novıkov, A.Vo­lo­kıtın, A.Almazov, A.Seıdýllaeva, K.Naý­mov, A.Shefer, M.Kýkımovtyń Qara­ǵandy memlekettik ındýstrııalyq ýnıversıteti men Temirtaý medkolledji, №16 orta mektep komandalarynyń eń­bekteri úzdik dep tanyldy.
«Egemen-aqparat».

Sýretti túsirgen 
Rınat DÝSÝMOV.