Qoǵam • 28 Mamyr, 2019

Jol jóndeý jumystary jandanýda

923 ret kórsetildi

Jol qashanda ekonomıkanyń kúretamyry. Jambyl oblysyn kesip ótetin halyqaralyq «Batys Eýropa – Batys Qytaı» avtojoly búginde elimizdiń birqatar óńirleri men shet memleketterdi baılanystyryp otyrǵan altyn kópir.

Bul rette kúrejol arqyly birqatar eldermen ekonomıkalyq baılanys artyp, áriptestik ornap keledi. Alaıda keıbir res­pýblıkalyq mańyzy bar jol­dardyń jaıy búginge deıin Jam­byl oblysynyń kúr­deli máseleleriniń biri bolyp­ kelgeni belgili. Máselen, «Merki-Býryl­baıtal» tasjolynyń múshkil hali talaı jyldan beri aıtylyp ta, jazylyp ta keledi. Sonymen qatar bul másele ary-beri qa­tynaıtyn jolaýshylardyń da janaıqaıyn týdyrǵan edi. En­di kóp jyldan beri aıtylyp kele jatqan kókeıkesti másele she­shimin taýyp, bıyl uzyndyǵy 262 shaqyrymdy quraıtyn «Merki-Býrylbaıtal» avtojolyn qaıta jańǵyrtý ju­mys­tary bastaldy.

Búginde atalǵan tasjoldyń boıyndaǵy qurylys 4 ýchaskege bólinip, jumys atqa­rylýda. Onyń ishinde Merki aýda­nynan Shý qalasyna de­ıin­gi jol qu­rylysy 86 shaqyrymdy qu­raı­dy. Al asfalt jabyndy tórt jo­­laqty qoz­ǵalysqa arnalyp tó­seledi. So­nymen qatar Shý qa­la­­synan Bý­rylbaıtalǵa deıingi jol 176 shaqyrymdy qamtıtyn bo­lady. Munda eki jolaqty II teh­nıkalyq sa­nattaǵy jol salynady. Tolyǵymen ja­ńartylǵan avtomobıl jo­ly Tátti, Shý, Bir­lik eldi me­kenderi arqyly ótedi dep kú­tilýde. Al qaıta qurý jo­basy aıasynda kúrejoldyń boıynda 6 kópir, 3 temirjol ótkeli, 11 jaraqtandyrylǵan kólik aı­ryǵy, 276 sý ótkizý qu­byr­la­ry, demalys alańdary jáne pa­­­vılon salynady. Taǵy bir aıta keterligi, «Merki-Bý­ryl­baı­­tal» avtojolynyń qury­lysyna tózimdiligi joǵary qıyr­shyq tas – mastıkalyq asfalt­be­ton paıdalanylmaq. Joba 2022 jyldyń maýsym aıynda toly­ǵymen aıaqtalady dep jos­parlanyp otyr. Búginge deıin Jambyl jurtshylyǵynyń basty máselesi bolyp kelgen kúrejol endi sheshimin tabatyn bolady.

Sonymen qatar Taraz qala­sy kósheleriniń jol jabyndy­laryn qalpyna keltirý de ózekti máselelerdiń biri. Jambyl ob­­­ly­synyń ákimi Asqar Myr­zah­metovtiń tapsyrmasyna­ oraı bul baǵytta barlyq kóshe­lerdi túgendeý jumystary júr­gi­zil­gen. Nátıjesinde, buǵan deıin kommýnaldyq menshikte uzyn­dyǵy 996 shaqyrymdy quraıtyn barlyǵy 576 kóshe tirkelse, tú­gendeý jumystary barysynda uzyndyǵy 1531 shaqyrymdy qu­raıtyn 1330 kóshe anyqtaldy. Sondaı-aq óńirde qaladaǵy kóshe jabyndylaryn retteý úshin arnaıy úsh jyldyq Jol kar­tasy bekitilgen bolatyn. Kar­taǵa sáıkes, birinshi kezekte mek­tepter, balabaqshalar, den­saý­lyq saqtaý nysandary syndy áleý­mettik mańyzy bar mekemeler ornalasqan jáne qoǵamdyq kó­lik­ter qatynaıtyn, ınjenerlik júıe­lermen tolyǵymen qam­tyl­ǵan kóshelerdi jóndeý kózde­lýde. Bul baǵytta bıyl aǵymdaǵy jóndeý jumystaryna bıýdjetten 100 mıllıon teńge bólinip, 22000 sharshy metrdi quraıtyn, qoǵamdyq kólikpen qamtylǵan 86 kósheni qamtý josparlanǵan. Búgingi tańda onyń 8900 sharshy metrinde, ıaǵnı 36 kóshede naqty jumys atqaryldy. Qalǵan jumys aǵymdaǵy jyldyń shilde aıynda aıaqtalady dep kú­tilýde.

Sonymen qatar qaladaǵy 29 joba boıynsha uzyndyǵy 75 sha­qyrymdy quraıtyn 148 kóshege quny 1,5 mıllıard teńge bolatyn ortasha jóndeý jumystary júrgiziletin bolady. Bul oraıda negizinen «Taıvan», «Araı» turǵyn alqaptarynyń kósheleri de qamtylady. Budan bólek, jergilikti bıýdjet esebinen 600 mıllıon teńge qaralyp, qalanyń kópqabatty turǵyn úıleri or­nalasqan shaǵyn aýdandardaǵy jol jabyndylaryna da aǵymdaǵy jóndeý jumystary atqarylatyn bolady. Jalpy qazirgi tańda Taraz qalasyn damytý basty nazarda. Onyń ishinde shahardaǵy barlyq kóshelerdi jón­deý maqsatynda tıisti ju­mys atqarylýda. «Býryl A,B,V» turǵyn úı massıviniń 26 shaqyrymdy quraıtyn 50 kóshe­sine shaǵyl tas tóseý jumystary bastaldy. Onyń jalpy quny 260 mıllıon teńgeni qurap otyr. Bul jumystardy «Aıa servıs» jaýapkershiligi shekteýli serik­­testigi júrgizýde. Oblys ákim­diginiń málimetinshe, atalǵan máse­leler turaqty baqylaýǵa alyn­ǵan. Oblys ákimi Asqar Myr­zah­metovtiń tikeleı bas­ta­masymen qol­ǵa alynǵan Jam­byl óńirindegi jol jóndeý jumys­tary jandanýda. Sonymen qatar qala ishindegi jumystar da Taraz qalasynyń sáýlettik kelbetiniń artýyna óz septigin tıgizetini sózsiz.


Jambyl oblysy
Sońǵy jańalyqtar

16 tamyzǵa arnalǵan valıýta baǵamy

Ekonomıka • Búgin, 09:47

16 tamyzǵa arnalǵa aýa raıy boljamy

Aýa raıy • Búgin, 09:38

1453 adam koronavırýstan jazylyp shyqty

Koronavırýs • Búgin, 09:06

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Uqsas jańalyqtar