Sheteldik ınvestorlar keńesiniń otyrysynda Memleket basshysy ınvestısııalardy tartý boıynsha birqatar máselelerdi anyqtap, olardy sheshý joldaryn kórsetti.
Baqyt Sultanov qolaıly bıznes-ortany qamtamasyz etý jáne salyqtyq jáne kedendik salada daýlardy sotqa deıingi retteý mehanızmin qoldaný qajettiligin atap ótti. Ol sot praktıkasyna qoǵamdyq monıtorıng júrgizý mehanızmin ázirleýdi jáne monıtorıng tobyn qurýdy tapsyrdy.
Budan basqa, otandyq ınvestorlar Halyqaralyq qarjy ortalyǵy ıýrısdıksııasynda daýlardy sheshý quqyǵyna ıe boldy, osyǵan baılanysty AHQO-men yntymaqtastyqty jandandyrý qajettigi aıtyldy.
Qala ákimi Baqyt Sultanov Memleket basshysynyń tapsyrmalaryn oryndaý úshin qalalyq basqarmalarǵa kelesi basym baǵyttar men mindetter qoıdy:
- kásipkerlerdiń bıznesti júrgizýdi retteıtin jańa normalarmen keńinen tanysýlaryn qamtamasyz etý;
- baqylaý jáne qadaǵalaý organdarynyń esep berý kúnin iskerlik qoǵamdastyqqa Biryńǵaı kún ótkizý tájirıbesin engizý qajet.
Osy normany i-Qala ashyq dıalog alańy retinde quryp, zańnamadaǵy jańalyqtardy, memlekettik organdardyń baqylaý jáne qadaǵalaý jumystarynyń memlekettik basymdyqtaryn túsindirip, keri baılanys qalyptastyrýǵa bolady;
- qoǵamdyq bastamada Nur-Sultan qalasyndaǵy kásipkerler quqyǵyn qorǵaý jónindegi ýákil ınstıtýtyn qurý. Bul ınstıtýt i-Qala-da (MTO) ornalasady;
- elordada bıznes júrgizýdiń ulttyq kórsetkishtiń tómendeýine jol bermeý;
Ákim sondaı-aq Qalalyq ekonomıkadaǵy ShOB (Shaǵyn orta bıznes) úlesin odan ári ulǵaıtý jóninde sharalar qabyldaýdy tapsyrdy;
- memlekettik satyp alý jáne memlekettik uıymdarǵa qarasty sektordyń satyp alýlarynda jergilikti qamtýdyń úlesin ulǵaıtý boıynsha Jol kartasyn ázirleý;
- Otandyq bıznestiń retteletin satyp alýlarǵa qatysýyn ulǵaıtý boıynsha KPI kórsetkishterin engizý. Bul aýdan ákimderiniń, memlekettik organ jáne baǵynysty uıym basshylarynyń jumysynyń reıtıngileýde basty krıterıı bolady;
- otandyq kásipkerlerdiń saýda jelilerine qoljetimdiligin qamtamasyz etýde «Atameken» UKP jáne salalyq qaýymdastyqtarmen birlese otyryp, taýar óndirýshilermen olardyń ónimderin taratý jelileriniń talaptaryna sáıkestigi boıynsha jumystardy pysyqtaý;
- ınfraqurylym, energetıka, ónerkəsip jəne agroónerkəsiptik keshen sekildi memlekettik-jeke menshik seriktestikti damytý boıynsha jumysty jandandyrý;
Ákimniń aıtýynsha, elordada 2025 jylǵa deıin jumys oryndaryn qurý úshin Karta jasalady.
2019 jyldyń basynan bastap, jumys izdesý máselesimen elordanyń jumyspen qamtý ortalyǵyna 7 371 azamat júgindi. 2 769 adam áleýmettik qorǵaý sharalarymen qamtyldy, onyń ishinde 2 628 adam jumysqa ornalasty. 694 adam tolyq ýaqytty jumysqa, 390 jas astanalyq jastar tájirıbesine, 85 turǵyn áleýmettik jumysqa, 1 459 adam qoǵamdyq jumysta jumys isteıdi.
141 adam elektromontajdaýshy, tiginshi, aspaz, kondıter, baǵalaýshy-sarapshy sııaqty qysqa merzimdi kásiptik oqýdy bastady. Bul úshin 913 adamdy qamtý maqsatynda 110,4 mln. teńge bólindi.
Astanadaǵy jumyssyzdyq deńgeıi 2019 jyldyń birinshi toqsanynda 4,5% qurady.
