Qoǵam tarapynan túsinistik tapqan kezdesýler

Senbi, 20 sáýir 2013 0:51

Parlament Májilisiniń depý­tat­tary jáne mınıstrlik qyz­met­kerleriniń qatysýymen ótken sapar 3-12 sáýir aralyǵyn qamtydy. Osy merzim ishinde ártúrli óndiris qyz­metkerlerimen kezdesýler ótki­zilip, áleýmettik nysandarda jıyndar uıymdastyrylyp, jurt­shylyqqa áıelderdiń zeınet jasyn uzartý arqyly halyqtyń ju­mys­pen qamtylýyn jáne zeınet jasy taıaǵan adamdardyń jumys ornynyń saqtalýyna qol jetkizýge bolatyny týraly jan-jaqty tú­sin­dirme jumystary júrgizildi. Sony­men qatar, óńir turǵyndaryn tolǵandyryp júrgen zeınetaqy qorlaryn biriktirip, bir júıege keltirý sekildi mańyzdy máseleler qozǵaldy.

Senbi, 20 sáýir 2013 0:51

Parlament Májilisiniń depý­tat­tary jáne mınıstrlik qyz­met­kerleriniń qatysýymen ótken sapar 3-12 sáýir aralyǵyn qamtydy. Osy merzim ishinde ártúrli óndiris qyz­metkerlerimen kezdesýler ótki­zilip, áleýmettik nysandarda jıyndar uıymdastyrylyp, jurt­shylyqqa áıelderdiń zeınet jasyn uzartý arqyly halyqtyń ju­mys­pen qamtylýyn jáne zeınet jasy taıaǵan adamdardyń jumys ornynyń saqtalýyna qol jetkizýge bolatyny týraly jan-jaqty tú­sin­dirme jumystary júrgizildi. Sony­men qatar, óńir turǵyndaryn tolǵandyryp júrgen zeınetaqy qorlaryn biriktirip, bir júıege keltirý sekildi mańyzdy máseleler qozǵaldy.

Máselen, osy jyldyń 8-10 sáýiri aralyǵynda Pavlodar oblysynda Parlament Májilisi depýtattarynyń qatysýymen ótken jıynda jurt aldyna zeınetaqy tóleý jónindegi memlekettik ortalyq (ZTMO) basshysynyń birinshi orynbasary Sáýle Dúısenova shyǵyp, suraqtarǵa jaýap berdi. Sondaı-aq, osy kúnderi Pavlodarda ortalyq ókilderiniń qatysýymen qaladaǵy balalar aýrýhanasynda taǵy bir jıyn ótkizildi. Atalǵan jıynǵa 180-nen astam medısına qyzmetkerleri qatysty.
Ekibastuz qalasynda zeınetaqy ortalyǵynyń qalalyq fılıaly ǵımaratynda ótken  jıynda jumys berýshi kompanııa ókilderi men kásipodaq músheleri zeınetaqy júıesine qatysty saýaldarǵa jan-jaqty jaýap alyp tarqasty.
Sondaı-aq, Shyǵys Qazaqstan obly­synda da zeınetaqy júıe­si­ne qatysty ártúrli kezdesýler uıymdastyryldy. Eńbek já­ne halyqty áleýmettik qorǵaý mınıstr­liginiń Baqylaý jáne áleýmettik qorǵaý komıteti tóraǵasynyń orynbasary Gúlnár Toqseıitova halyqtyń neǵurlym uzaq eńbek etip, jınaqty kóp jısa, soǵurlym artyq zeınetaqy alatynyn ári zeınet jasyn birden kóteredi dep, baıbalam salý jańsaq pikir ekenin, bul  úrdistiń birtindep júretinin, 63 jastan zeınetke tek 2024 jyldan bastap shyǵatynyn aıtty.
Eki kúnge (5-6 sáýir) sozylǵan kezdesýge kásipodaq uıymdary ókilderi, sonymen qatar, ZTMO dırektorynyń orynbasary S.Sabyrjanov jáne atalmysh ortalyqtyń ár aımaqtan kelgen qyzmetkerleri qatysty.
Eńbek mınıstrliginiń ókilderi men ortalyq mamandarynyń qatysýymen ótken jıyndar aýyldy jerlerdi umyt qaldyrmady. Borodýlıha, Kókpekti, Zyrıan aýdandaryna qarasty eldi mekenderde de kezdesýler bolyp ótti. Kelesi jıyn Semeıdegi ıadrolyq ortalyq qyzmetkerleriniń qatysýymen ótti.
5-9 sáýir aralyǵynda Almatyda birneshe kezdesýler boldy. «Mem­le­kettik annýıtettik kompanııa» AQ dırektorlar keńesiniń múshesi Nur­jan Álımuhamedov  bastap barǵan ma­man­dar toby Halyqaralyq IT ýnı­ver­sıteti, Sh.Aımanov atyndaǵy «Qa­zaqfılm» AQ, O.Tańsyqbaev atyndaǵy Almaty sándik-qoldanbaly óner kolledji, Q.Ahmetov atyndaǵy daryndy balalarǵa arnalǵan sport mektep-ınternaty jáne Syzganov atyndaǵy ulttyq hırýrgııalyq ǵy­ly­mı ortalyǵynda kezdesý ótkizdi. Atal­mysh jıynǵa Parlament Máji­li­siniń depýtattary Gúlnár Iqsanova, Aıtkúl Samaqova, Gúlmıra Isimbaeva qatysty.
Al Qaraǵandy jáne Temirtaý qalalaryndaǵy «Imstalkom», «Karagandınskıı melkombınat», «TNK TIATR» kompanııalary jáne «TPK Rıger farmasevtıkalyq logıstıkalyq kesheni» bazasyndaǵy «Memlekettik áleýmettik saqtandyrý qory» AQ prezıdenti Almas Qurmanovtyń qatysýymen ótken kezdesýlerde «Qazaqstan-2050» Stra­tegııasy, zeınetaqy júıesin jetil­dirý jáne Biryńǵaı zeınetaqy qoryn qurý máseleleri boıynsha tyńdaýlar boldy. Sonymen qatar, 8 sáýirde oblys ákimi apparatynyń qyzmetkerleri, aýdan ákimderi, ZTMO qyzmetkerleri jáne jumyspen qamtý ortalyǵy mamandarynyń qaty­sýy­men túsindirme jumystary júr­gi­zil­se, kelesi kúni «Arselor Mıt­tal Temirtaý» kompanııasynyń qyz­met­kerlerimen kezdesý boldy. 11 sáýir­degi jıyn Qaraǵandy oblystyq «Nur Otan» HDP aktıvteriniń qatysýymen ótti.
Bas-aıaǵy 9 kúnge sozylǵan kezdesýlerde tek zeınetaqy júıesin jańǵyrtý jumystary ǵana túsindirilip qoımaı, óńir jurtshylyǵyna áleýmettik má­se­lelerge qatysty óz usynys-pikirlerin bildirýge múmkindik berildi. Halyqty áıelderdiń zeınet jasyn ulǵaıtý, jumyspen qamtý máseleleri, zııan­dy óndiris oshaqtarynda eńbek ete­tin jumysshylardyń zeınetaqy alý tetikteri tolǵandyryp otyr. Ma­man­dar jurttyń kóńilinde júrgen, kó­keıge túıgen saýaldaryna jaýap berip, júıeni jańǵyrtýdyń mańyzdy qyrlaryn egjeı-tegjeıli túsindirdi.

«Egemen-aqparat».