«Maýsym aıaqtalǵaly beri eki ret oqý-jattyǵý jıynyn ótkizdik. Ekeýi de Almatyda uıymdastyryldy. Munda negizinen jalpy fızıkalyq jattyǵýǵa kóńil bólindi. Taýda velosıped tepkenimiz jaqsy áser berdi. Jıynǵa bas qurama sportshylarynan bólek, jasóspirimder komandasynyń ókilderi de qatysty. Qoldan kelgenshe tájirıbemizben bólisip, jol kórsetýge tyrystyq», - deıdi ol.
Abzal jaraqatyna baılanysty ótken maýsymdy orta joldan aıaqtaýǵa májbúr bolǵan. Búginde sportshy tolyq babyna ený úshin baryn salatynyn aıtady.
«Qazirgi eń basty maqsatym - ózimniń burynǵy qalpyma kelý. Sporttyq babyma tolyǵymen enetin bolsam, jarystarǵa da alańsyz qatysarym sózsiz. Qyrkúıek aıyna deıin tolyqtaı jaraqattan aıyǵyp, qatarǵa qosylamyn degen oıdamyn. Tek jaraqattan aman bolsaq eken. Jaraqat alý qaýpi sportshy úshin basty kedergilerdiń biri. Buıyrsa, bári jaqsy bolady», - deıdi sportshy.
Abzal Ájiǵalıev bastaǵan qazaqstandyq short-trekshilerliń kelesi jıyny Astanadaǵy «Alaý» muz aıdynynda ótedi.
