Sondaı-aq, Farıza Ońǵarsynovanyń sińilisi Almagúl men uly Almas Ońǵarsynovtar, Jarasqan Ábdirashevtiń uly Rústem Ábdirashev pen nemeresi Ábilhaıyr Ábdirashev arnaıy keldi.
N.Bekejanov atyndaǵy teatrda ótken sharada oblys ákimi Qyrymbek Kósherbaev qasıettti Syr óńiriniń Alashtyń anasy atanǵan mereıli sátin eske saldy.
«Uly daladaǵy halyqtyq dástúrde shyǵarmashylyq adamyna degen rııasyz yqylas ejelden qalyptasqan. Olarǵa degen alǵaýsyz kóńili men qurmetiniń sheti de, shegi de joq ekeni barshaǵa aıan. Bir ǵana mysal aıtaıyn. Qazir aımaǵymyzda Nartaı, Ábdilda, Manap, Asqar, Qaltaı, Turmaǵambet, Qarasaqal Erimbet esimderimen atalatyn eldimekender, bilim ordalary bar. Bul - ónerge degen eldiń sheksiz yqylasynyń bir kórinisi emes pe?! Jalpy, oıly sóz saptaı bilý, sóz qadirin túsiný, qudiretin seziný, kesteli sózben órnekteý - bizdiń halyqqa berilgen úlken syı», - dedi oblys ákimi.
Poezııa keshinde respýblıkaǵa belgili aqyndar Qalqaman Sarın, Aqberen Elgezek, Ǵalym Jaılybaı, sondaı-aq syrboıylyq sóz sheberleri Elýbaı Áýezov, Ǵazıza Ábilda, Nazgúl Berdiqoja, Bıbolat Sátjan, Aqjol Túmenbaı, Asylzat Arystanbek ólenderin oqyp, qoshemetke bólendi.
Saltanatty jıynda ótken jylǵy "Uly dala úni" festıvali qatysýshylarynyń shyǵarmalar jınaǵy men Jarasqan Ábdirashulynyń «Dala, seniń ulyńmyn» atty kitabynyń tusaýkeseri ótti.
