Berekesi men birligi jarasqan Jetisý
Beısenbi, 25 sáýir 2013 2:23
Qazaqstan halqy Assambleıasynyń «Dostyqtyń jol kartasy» atty mega-jobasyn júzege asyrý maqsatynda taıaýda Almaty oblysynyń delegasııasy Almaty qalasyna estafeta tizginin tabys etken bolatyn.
Beısenbi, 25 sáýir 2013 2:23
Qazaqstan halqy Assambleıasynyń «Dostyqtyń jol kartasy» atty mega-jobasyn júzege asyrý maqsatynda taıaýda Almaty oblysynyń delegasııasy Almaty qalasyna estafeta tizginin tabys etken bolatyn.
Atalmysh mega-joba Qazaqstan halqy assambleıasynyń HVII sessııasynda Elbasy Nursultan Nazarbaevtyń bergen tapsyrmasyna oraı 2012 jyly Shyǵys Qazaqstan oblysynan bastaý alǵan edi. Ulttar dostyǵy men ǵalamı beıbitshilikti úndeıtin «Dostyqtyń jol kartasy» jobasy elimizdiń barlyq óńirinde ıgi is-sharalar ótkizip, otandastarymyzǵa memlekettiń ishindegi ózara tatýlyq pen túsinistikti nasıhat etýde.
Qazaqstan halqy Assambleıasynyń HH sessııasyna oraı Almaty oblysynan arnaıy kelgen delegasııa qalada birqatar mádenı is-shara uıymdastyrdy.
Ońtústik astananyń Dostyq úıinde oblys pen qalanyń ulttyq mádenı ortalyqtary jetekshileriniń basqosýymen «Qazaqstannyń El birligi Doktrınasyn júzege asyrýdaǵy Qazaqstan halqy Assambleıasynyń róli» atty dóńgelek ústeldi qala ákiminiń orynbasary Záýresh Amanjolova ashty. Almaty qalasynyń ákimi Ahmetjan Esimovtiń sálemin basqosýǵa jınalǵan jurtshylyqqa jetkizgen Záýresh Jumanálıqyzy Astana qalasynda ótetin Qazaqstan halqy Assambleıasynyń HH sessııasy men 1 mamyr kúni toılanatyn Qazaqstan halqynyń birligi merekesimen quttyqtap ótti.
Oblys ákiminiń orynbasary Serik Muqanov bastaǵan arnaıy delegasııa osy kúni “Almaty oblysy týrızminiń tartymdy múmkindikteri” taqyrybynda shyǵarylǵan fotoalbomdardyń tusaýkeser rásimine qatysty.
«Dostyqtyń jol kartasy» – Qazaqstan halqy Assambleıasynyń mega-jobasy aıasynda uıymdastyrylǵan sharalar tizbegi Almaty qalasyndaǵy A. Rozybakıev atyndaǵy № 153 mektep-gımnazııada jalǵasyn tapty. Sondaı-aq, bul mega-jobany jalǵastyrǵan ońtústik astananyń aıtýly oryndarynyń bárinde merekelik sharalar uıymdastyrylyp, onda Qazaqstan halqynyń birligi men yntymaǵy pash etildi.
Oblys óńirinen kelgen túrli ult ókilderiniń mádenı ortalyqtary ózderiniń salt-dástúrin, mádenıeti men ónerin dáripteıtin kórmelerdi qala turǵyndaryna usyndy. Ásirese, Jetisýdan kelgen koreı, dúngen, uıǵyr, túrik, kúrd, grek, ýkraın, tatar ulttarynyń jasaǵan buıymyna, taǵamyna, áshekeıi men naqyshtaryna eldiń nazary erekshe aýdy.
Atalmysh rásimnen keıin oblys ónerpazdary uıymdastyrǵan merekelik konsert shymyldyǵyn ashty. Mádenı shara túrli ulttardyń myń buralǵan bıine, shalqyǵan kúıine, ásem ánderine ulasty. Jetisýdan kelgen qonaqtardyń ónerin tamashalaýǵa jıylǵan kópshilik arasynda túrli sporttyq oıyndar uıymdastyryldy.
Almaty qalasy tilderdi damytý, muraǵattar jáne qujattama basqarmasy osy sharamen úndes «Til – tatýlyq tiregi» atty qalalyq festıval ótkizdi. Qazaqstanda turatyn barlyq etnostardyń tilderin saqtaý, ult birligin nyǵaıtý, qazaq tiliniń qoldanylýyn damytý, memlekettik til saıasatyn nasıhattaý, daryndy jastarǵa qoldaý kórsetý isin aldyna maqsat tutqan bul shara Qazaqstan halqy Assambleıasy múshelerinen kóp qoldaý taýyp otyr.
ALMATY.
