Tilge qurmetteri sheksiz
Juma, 26 sáýir 2013 2:39
Barshany baýyryna basqan Qazaq eliniń ystyq qushaǵy búginde Qazaqstandy Otanym dep sanaıtyn ózge ult ókilderin bir úıdiń balasyndaı uıystyryp otyr. Darqan kóńil qazaq jeriniń keńpeıildiligine rızashylyqtaryn olardyń ózderi de jıi aıtyp júredi. Qazaqstan halqy Assambleıasynyń atqaryp jatqan jumystary qazirgi tańda kóp ultty elimizdiń ósip-órkendeýine qosyp jatqan úlesteri molynan dep bilemin.
Juma, 26 sáýir 2013 2:39
Barshany baýyryna basqan Qazaq eliniń ystyq qushaǵy búginde Qazaqstandy Otanym dep sanaıtyn ózge ult ókilderin bir úıdiń balasyndaı uıystyryp otyr. Darqan kóńil qazaq jeriniń keńpeıildiligine rızashylyqtaryn olardyń ózderi de jıi aıtyp júredi. Qazaqstan halqy Assambleıasynyń atqaryp jatqan jumystary qazirgi tańda kóp ultty elimizdiń ósip-órkendeýine qosyp jatqan úlesteri molynan dep bilemin. Memleket basshysy N.Á.Nazarbaevtyń salıqaly saıasatynyń arqasynda qurylǵan atalǵan Assambleıa búginde elge qaltqysyz qyzmet etip keledi. Muny keshegi ótken QHA-nyń sessııasynda sóz sóılegen kezinde Elbasy da naqpa-naq atap ótti. Tatýlyqtyń bastaýy ispetti bul Assambleıanyń aldaǵy ýaqytta da atqarar qyzmetteri aýqymdy ekeni daýsyz.
1991 jyly Elbasynyń Jarlyǵymen ashylǵan Túrkistandaǵy Q.A.Iаsaýı atyndaǵy Halyqaralyq qazaq-túrik ýnıversıteti de búginde túrkitildes elder balalaryna joǵary bilim berip, olardyń qanattanýyna barynsha jaǵdaı jasaýda. Jalpy, ýnıversıtette 29 memleketten balalar kelip oqıdy. Negizinen olardyń kóbi túrki dúnıesinen. Al tek zań fakýltetinde alty mamandyq boıynsha uzyn sany 320 stýdent bilim alady desek, olardyń 170-i sheteldik, 23-i quqyqtaný mamandyǵynyń stýdentteri. Atap aıtqanda, Túrkııa, Reseı, Túrkimenstan, Aýǵanstan, Hakasııa, Tyva syndy, ózge de memleketterden kelgen jastar. Aldyn ala daıyndyq kýrsynan ótetin olar memlekettik tilde erkin sóıleıdi.
Túrkistan jeri ózge ult ókilderine kende emes. Qazaq tilinde ózderiniń ana tilinen kem sóılemeıtini olardyń elge, jerge, tilge degen qurmeti dep bilemiz. Osyndaı yntymaǵy uıyǵan jerden joǵary bilim alyp ketetin ózge tildi azamattardyń óz elderine barǵanda tilge qurmettiń qandaı bolatynyn Qazaqstanda, Túrkistanda kórdik dep tamsana aıtyp júretinderine senimim kámil.
Balǵabaı NAQYPOV,
Q.A.Iаsaýı atyndaǵy halyqaralyq qazaq-túrik ýnıversıteti zań fakýltetiniń dekany, zań ǵylymdarynyń doktory, professor.
Ońtústik Qazaqstan oblysy.
