Búginde qalada kólikti reformalaý aıasynda avtobýs parkin jańartý jáne qalanyń baǵyttar jelisin ulǵaıtý jumystaryn jalǵastyrý barysynda avtobýs parki jyl aıaǵyna deıin júz paıyzǵa deıin jańaratyn bolady.
Taıaýda qoldanysqa enetin 500 avtobýstyń 200-i gazben júretin bolsa, 60-sy «garmoshkaly» kólik. Qala ákimi turǵyndardyń ótinishine oraı taıaý ýaqytta 38 jáne 48 baǵyttar jańartylatyn bolady.
Qala ekologııasyn jaqsartý úshin elektr kóligi engizilýde. Ol úshin elektrobýstardyń úshinshi býynyn shyǵaratyn qazaqstandyq-germandyq-gonkongtik zaýyt pen 300 oryndy avtobýs parki salyndy. «Made in Almaty» kólikteriniń alǵashqy ondyǵy endi birneshe kúnderden soń baǵyttar boıynsha júretin bolady.
Budan ózge, trolleıbýstyń baılanys jelisin jańartýdyń JSQ jasaldy. Jazdyń sońyna deıin bıýdjetten tys qarjy esebinen beket keshenderine taǵy 50 elektrondy tablo ornatylady.
Derekter boıynsha sońǵy úsh jylda Almatydaǵy avtobýs parkiniń 80 paıyzy jańaryp, 1113 jańa avtobýstar satyp alyndy. Buǵan qarjyny kóleńkeli aınalymnan shyǵarýǵa yqpal etken «Ońaı» júıesi arqyly qol jetken. Qazirgi kezde barlyq tranzaksııanyń 97 paıyzy qolma-qol aqysyz iske asýda.
