Saılaý • 06 Maýsym, 2019

Ulttyq vıktorınanyń ekinshi kezeńi ótti

699 ret kórsetildi

Ortalyq saılaý komıssııasy saılaý quqyǵy men saılaý prosesi máseleleri boıynsha Qazaqstannyń joǵary oqý oryndary stýdentteriniń arasynda ulttyq vıktorınanyń ekinshi kezeńin ótkizdi.

Budan buryn joǵary oqý oryndary­nyń stýdentteri arasynda saılaý quqyǵy jáne saılaý prosesi máseleleri boıynsha ulttyq vıktorınanyń birinshi týry ótkenin habardar etkenbiz. Endi mine, Ortalyq saılaý komıssııasy saılaý quqyǵy men saılaý prosesi máseleleri boıynsha Qazaqstannyń joǵary oqý oryndary stýdentteriniń arasyndaǵy ulttyq vıktorınanyń ekinshi kezeńin ótkizdi. Atalǵan vıktorına – mem­leketaralyq jobanyń ulttyq kezeńi jáne ony Ortalyq saılaý komıssııasy Táýelsiz Memleketter Dostastyǵy elderi Parlamentaralyq Assam­bleıasynyń keńesimen jáne Demo­kratııany, parlamentarızmdi damytý jáne TMD PAA-ǵa qatysýshy memleketter azamattarynyń saılaý quqyqtaryn saqtaý monıtorınginiń halyqaralyq ınstıtýtymen birlese uıymdastyryp otyr.

Jalpy, bul is-shara bolashaq saılaý­shy­lardyń quqyqtyq mádenıetin arttyrý, olardyń boıynda saılaý quqyqtaryn sanaly túrde iske asyra alý úshin mashyqtary men daǵdylaryn qalyptastyryp, bilim­derin jetildirý maqsatynda ótkiziledi. Al ekinshi týrda ulttyq qazylar alqasy pikir­talas ótkizý daǵdylaryn baǵalaý negizinde 10 úmitkerden bir jeńimpaz ben eki júldegerdi anyqtady. Sóıtip birin­shi oryn qazaq-orys halyqaralyq ýnıver­sı­tetiniń stýdenti (Aqtóbe q.) Roman Esena­lınge, ekinshi oryn Kaspıı qoǵamdyq ýnı­ver­sıtetiniń stýdenti (Almaty q.) Rýs­lan Býkenovke jáne úshinshi oryn Q.A. Iаsaýı atyndaǵy Halyqaralyq qazaq-túrik ýnı­versıtetiniń stýdenti (Túrkistan q.) Gúlnaz Serikqalıevaǵa buıyrdy.

Endi ulttyq vıktorınanyń sharttaryna sáıkes birinshi oryn alǵan jeńimpaz bıylǵy jyldyń qyrkúıeginde TMD elderiniń qurama komandasy sapynda Sankt-Peterbýrg qalasynda óte­tin halyqaralyq ǵylymı pikirtalas­tar­ǵa qatysady. Ortalyq saılaý komıs­sııasy­nyń hatshysy Sábıla Mustafına óziniń qut­tyqtaý sózinde atap ótkendeı, Jastar jylyn­da ótkizilip otyrǵan vıktorınada stý­dent­terdiń belsendilik tanytýy – dál osy saılaý aldyndaǵy kezeńde bizdiń jas urpaq­tyń saılaý prosesterine sanaly kóz­qarasy men saılaý zańnamasyna degen qyzyǵý­shylyǵynyń úlgisi.

Qazylar alqasynyń qura­myn­daǵy Bilim jáne ǵylym mınıstr­liginiń óki­li K.Ábýova, ǵylymı saraptaý qoǵam­das­tyǵy­nan – M.Nárikbaev atyndaǵy QazMZÝ qylmystyq sot tóreligi jáne ǵy­ly­mı-quqyqtyq saraptaý máseleleri bo­ıyn­sha ǵylymı-zertteý jobalarynyń jetekshisi, zań ǵylymdarynyń doktory, professor M.Qoǵamov, Memleket tarıhy ınstıtýtynyń bas ǵylymı qyzmetkeri, zań ǵylymdarynyń kandıdaty, dosent E.Nurpeıisov vıktorınany baǵalap, qory­tyndy shyǵardy.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar