Birinshi oıynda bizdiń qarsylastarymyz Domınıkan Respýblıkasynyń ókilderi boldy, olar birinshi kúni eki márte jeńiliske ushyrady. Oıyn bastalǵannan qarsylastar biliktilik tanyta qoımady, oıyn 12:18 esebimen aıaqtaldy.
Ekinshi oıynda qazaqstandyq komandanyń qarsylastary ýkraındyq strıtbolshylar boldy. Bul matchta qazaqstandyq strıtbolshylar qarsylas qolynan jeńisti julyp ala almady. 10: 22 esebimen ýkraındyqtarǵa jol berip, Álem Kýbogynda boı kórsetýdi toqtatty.
Aıta keterligi, Qazaqstan osy Álem Kýbogyna tek jasóspirimder komandasymen qatysqan bolatyn. Onyń quramynda: «AGÝ Barys Atyraý» komandasynyń oıynshylary - №5 Arsentıı Kýshnırýk jáne №47 Vıktor Verzýn, Qapshaǵaı « SDIýSSh» komandasynyń oıynshylary - №1 Vasılıı Belozor men almatylyq - №10 Dýlat Eshmuhambetov boldy.
