Sharaǵa QR bilim jáne ǵylym mınıstri Kúlásh Shámshıdınova, Nazarbaev ýnıversıtetiniń prezıdenti Shıgeo Katsý, memlekettik organdardyń, halyqaralyq uıymdardyń, sheteldik joǵary oqý oryndarynyń ókilderi, sondaı-aq, QR joǵary oqý oryndarynyń basshylary, oqytýshylary men stýdentteri qatysty.
Vıse-Premer óz sózinde Elbasy N. Nazarbaevtyń sózin keltirip ótti: «Sıfrlyq qoǵam men bilim ekonomıkasy bar jańa jahandyq órkenıet týyndaýda jáne bizdiń elimiz osy ýaqyt talaptaryna saı bolýy kerek. Al jastar elimizdiń qazirgi álemdegi básekege qabilettiliginiń negizgi faktory bolýy tıis».
G. Ábdiqalyqova Forým magıstraldy ıdeıalar men adamı kapıtaldy damytý jobalaryn ázirleýdiń júıelik alańyna aınalǵanyn atap ótti. Qazaqstanda memlekettik saıasattyń basymdyqtarynyń biri – bilim berýdi damytý. Kóp deńgeıli júıe jumys isteýde. Zańnamalyq baza jetildirilýde. Údemeli damýdyń birden bir kýási ol joǵary oqý oryndarynyń sanyn 131-ge deıin artýy, olarda 540 myńnan astam stýdent bilim alýda.
Búgin Nazarbaev Ýnıversıteti – elimizde joǵary bilim berýdiń flagmany. Osy jyly ýnıversıtet qabyrǵasynan 963 stýdent bitirgeli otyr, onyń ishinde bakalavrlar – 565, magıstrler – 378 jáne PhD doktorlary – 20.
Forýmda úzdiksiz bilim berý tujyrymdamasy, sondaı-aq bolashaq kóshbasshylardy tárbıeleý men ındýstrıaldy-akademııalyq ekojúıeni qalyptastyrý máseleleri jan-jaqty talqylandy.
