Aı saıyn júrgiziletin monıtorıng barysynda agroónerkásiptik keshende kórsetkishteri alda keledi. Ár aýdan-qalada 1-8 paıyz shamasynda ósim boljanýda.
Al, óńirde qurylys, saýda, ónerkásip salalarynyń damý kórsetkishteri birshama tómendegen. О́nerkásiptegi kórsetkishtiń tómendeýine Reseıge ekibastuzdyq GRES-2 stansasynan elektr energııasy eksportynyń toqtaýy sebep bolǵan.
Oblystyq energetıka jáne turǵyn úı-kommýnaldyq sharýashylyǵy basqarmasynyń málimetinshe, stansanyń qojaıyndary «Samuryq-energo»- AQ pen kelissózder júrgizilip, eksport máselesin qaıta jandandyrý talqylanýda. Sonymen birge, «Munaı-hımııa zaýytyn» JShS-da josparly jóndeýge baılanysty óndiris toqtap, munaı ónimderin óńdeý 10-15 paıyzǵa tómendegen.
Oblys ortalyǵyndaǵy «Kastıng» jáne «KSP Steel» kásiporyndarynda shıkizattyń jetispeýshiliginen bolat óndirisi azaıady dep boljanýda.
Al, jergilikti jerdegi metall synyqtary Reseıge temirjol kóligimen tasymaldanýda. Mysaly, «Qazaqstan alıýmınııi» AQ-nda glınozem óndirisiniń kemýi tirkelgen. Mashına jasaý salasy da artta qaldy. Ekibastuzdyq «Qazaqstannyń vagon jasaý zaýyty» JShS toqtap tursa, «Prommashkomplekt» kásipornynda da óndiristiń kidrýi baıqalǵan. Endi ne isteý kerek? Oblys ákimdigi kórsetkishterdiń sapasyn jaqsartý úshin shaǵyn jáne orta bıznesti, qarapaıym zattar ekonomıkasyn alǵa bastyrý júktedi. Aýdandarǵa qarapaıym zattar ekonomıkasyna úles qosatyn 20 joba iske qosý mindetteldi.
Jyl sońyna deıin 4,5 mlrd. teńge shamasynda qosymsha kiris túsýi kerek.
