Sharaına

Beısenbi, 28 aqpan 2013 7:25

Kúzet qyzmetinen bas tartty

Grýzııa prezıdenti Mıhaıl Saakashvılı memlekettik kúzet qyzmetinen tolyqtaı bas tartýǵa sheshim qabyldady. Bul týraly Memleket basshysynyń baspasóz hatshysy Manana Mandjgaladze málimdedi. Ol sondaı-aq qabyldanǵan sheshim prezıdenttiń jumys kestesi men turǵyndarmen kezdesýine eshqandaı keri áser etpeıtinin atap kórsetti.

Beısenbi, 28 aqpan 2013 7:25

Kúzet qyzmetinen bas tartty

Grýzııa prezıdenti Mıhaıl Saakashvılı memlekettik kúzet qyzmetinen tolyqtaı bas tartýǵa sheshim qabyldady. Bul týraly Memleket basshysynyń baspasóz hatshysy Manana Mandjgaladze málimdedi. Ol sondaı-aq qabyldanǵan sheshim prezıdenttiń jumys kestesi men turǵyndarmen kezdesýine eshqandaı keri áser etpeıtinin atap kórsetti.

M.Mandjgaladze buǵan qosa úkimet eger prezıdent konstıtýsııaǵa ózgeris engizýge kelisetin bolsa, onda onyń jeke kúzetin kúsheıtý týraly usynys jasaǵanyn jarııa etti. Al prezıdent konstıtýsııaǵa ózgeris engizý onyń jeke máselesimen baılanys­ty bolýy tıis emes dep esepteıdi eken. Konstıtýsııaǵa usynylyp otyrǵan ózgeris prezıdentti úkimetti parlamenttiń kelisiminsiz otstavkaǵa jiberý quqynan aıyrýdy kózdeıdi.

Reseı men Nıgerııa teń elder me?

Damýshy elderdegi, ásirese, Reseı, Nıgerııa jáne Rýmynııadaǵy memlekettik saıasattyń dáıeksizdigi osy elderdiń rynoktarynda Coca-Cola satýǵa keri áserin tıgizýi yqtımal. Bul jóninde kompanııanyń basshylyǵyna silteme jasaı otyryp, keshegi nómirinde «Vedomostı» basylymy jazǵan.

Sýsyn óndirýshilerdiń atap ótýinshe, Reseı men Nıgerııaǵa tán quqyqtyq naqsyzdyq úlken táýekelge barýdy talap etedi. О́ıtkeni, atalǵan memleketterde jemqorlyqtyń deńgeıi asa joǵary. Kompanııa qujatty basqa elderdi saqtandyrý úshin de túzgen sekildi. Jalpy, atalǵan másele Shyǵys Eýropa elderi úshin qalypty jaǵdaı sanalsa, kompanııanyń bas aýrýyna aınalyp otyr deýge bolady.

9 mamyrdy aza kúni dep jarııalamaq

Latysh ultshyldary 9 mamyrdy aza tutý kúni retin­de taný týraly zań jobasyn daıyndaǵan. Olar «9 ma­myr jyl saıyn bizdiń áli de qaterdiń aldynda tur­ǵanymyzdy, orystandyrý qaýpi bar ekeni týraly esi­mizge salyp turady. Latvııada kúni búginge deıin kóp­tegen jaýlarymyz ómir súrip jatyr», deıdi.

Zań jobasyn daıyndaǵan depýtat Raıvıs Dzıntarstyń sózine qaraǵanda, qujat el parlamentine jaqyn arada usynylatyn bolady. Zań jobasynda sondaı-aq respýblıkada resmı eske alý datasy retinde 16 naý­ryz kúni atalyp ótetin SS legıonerleriniń kúnin qalpyna keltirý de usynylady. Al atalǵan eldi nasıster 1941 jyly basyp alǵan bolatyn. Soǵys ýaqytynda latyshtyń áskerı bólimderi Qyzyl Armııa qatarynda is-qımyl tanytqany da ras.

Qysqa qaıyryp aıtqanda:

AQSh-tyń Ońtústik Karolına shtatyndaǵy Konveı qa­lasy ýnıversıtetiniń jataqhanasynda  belgisiz bireý oq atyp, oq tıgen 19 jasar stýdent Entonı  Darnell Lıddell qaza tapqan.

Grýzııa astanasy – Tbılısı qalasyndaǵy asa iri jıhaz saýda ortalyǵyndaǵy órt saldarynan jalpy somasy 1 mıllıon dollar turatyn jıhaz kúlge aınalǵan. Múlik saqtandyrylmaǵan eken.

Meksıkanyń Sıýdad-Akýnıa qalasynda mını-ıýbka kııýge jáne erlerdiń áıel kıimin kıip kóshege shyǵýyna tyıym salyndy. Atalǵan qala Meksıka men AQSh-tyń shekarasynda ornalasqan.

Zańsyz mıgranttar sany – 3 mln.

Federaldy mıgrasııalyq qyzmettiń (FMQ) basshysy Konstantın Romodanovskıı Reseıde 3,3 mıllıon zańsyz sheteldikter bar ekeni eseptelip shyǵarylǵanyn málimdedi. Olardyń arasynda eń kóbi ózbekter eken – 900 myń adam.

Ýkraınalyqtar 500 myń adamdy qurasa, Tájikstannan kelgender sany shamamen 400 myńdaı eken. FMQ basshysynyń sózine qaraǵanda, mıgranttardyń Reseıde zańdy bolýyna múmkindik beretin 3 aılyq merzim áldeqashan ótip ketken, sondyqtan olardyń bári búginde zańsyz túrde jumys isteýde. Jalpy alǵanda, Reseıde qazir 10,2 mıllıon sheteldik bolsa, olardyń 2,3 mıllıony ózbekter, 1,3 mıllıony ýkraındar, 1 mıllıony tájikter kórinedi.

Altyn kenishindegi jemqorlyq

Qyrǵyzstannyń bas prokýratýrasy eldegi asa iri altyn ken orny – «Qumtór» tóńiregindegi jemqorlyqqa baılanysty qylmystyq is qozǵady. Jemqorlyqqa ken ornynda altyn óndirýmen aınalysatyn kompanııalarmen 1992-2009 jyldar aralyǵynda kelisim jasasqan jergilikti sheneýnikterdiń qatysy bar delinip otyr.

Qylmystyq is jemqorlyq, qyzmet babyn asyra paıdalaný jáne Qyrǵyz Respýblıkasynyń múddesine saı kelmeıtin kelisimder jasasý degen baptar boıynsha qozǵalǵan. «Reıter» agenttiginiń aqparatyna qaraǵanda, «Qumtór» Qyrǵyzstan ishki jalpy óniminiń 12 paıyzyn jáne eksportynyń jartysynan astamyn qamtamasyz etetin kórinedi. Qyrǵyzstanda ken ornyn memleket menshigine alý jóninde usynystar oqtyn-oqtyn aıtylyp kele jatqanymen, ol el basshylyǵy tarapynan áli kúnge qoldaý tappaı otyrsa kerek.

Kıt aýlaýdyń maqsatyn atady

Japonııa úkimeti kıtterdi ǵylymı maqsatta emes, tamaq retinde aýlaýǵa ruqsat berilgenin resmı túrde alǵash ret  moıyndady. Bul jóninde eldiń balyq sharýashylyǵy mınıstri Iosımasa Haıası málimdedi.

I.Haıası japonnyń kıt aýlaý praktıkasyna narazy shetmemleketter men halyqaralyq uıymdardyń ustanymyn syn tezine aldy. Onyń aıtýynsha, kıt aýlaý kásipshiligine shabýyl japon mádenıetine shabýyl bolyp tabylady. Kıt kásipshiligi jónindegi halyqaralyq komıssııa kıtterdi aýlaýǵa tyıym salǵanymen, Japonııa ony aýlaýdy jalǵastyryp keledi. Buǵan deıin kıtter ǵylymı maqsatta aýlanady dep búrkemelense, endi olardyń etteri kóp jaǵdaıda meıramhanalardan tabylatyny belgili bolyp otyr.

Internet materıaldary negizinde ázirlendi.