Arda azamatymyzdyń biregeıi Erbol Shaımerdenuly myna fánı dúnıeden baqı dúnıege attanǵaly da jeti jylǵa taıap qalypty. Biraq artynda Abaı aıtqandaı, ólmeıtin sózi, óshpeıtin kózi qaldy.

Sonymen Erbol Shaımerdenulyndaı talanttyń artynda qalǵan murasyn keıingi býynǵa jetkizý, atyn jańǵyrtý jumystary sońǵy kezde qolǵa alyna bastady. О́zin balapandaı baýlyp, qyrandaı túletken qazaq joǵary biliminiń qara shańyraǵy QazUÝ-da dárishanasy ashyldy. Kindik qany tamǵan, alyptar eli Qyzyljar óńirinde bárekeldi degizer jumystar jalǵasyn tabýda. Jaqynda sondaı qaıyrly qadamdarǵa kýá bolyp qaıttyq. Onyń birinshisi, M.Qozybaev atyndaǵy Soltústik Qazaqstan memlekettik ýnıversıtetinde «Aqyn júrekti qaıratker» atty dóńgelek ústel edi. Oǵan qarymdy qalamgerler J.Súleımenov, Q.Jıenbaı, jýrnalıst-sazger Q.Aǵybaev, professorlar Q.Tursynov, A.Ybyraeva,Z.Taıshybaı, J.Qadyrov, mektep muǵalimi Á.Qulybekova, ózge de zııaly qaýym ókilderi qatysyp, Erbol Shaımerdenulynyń artynda qalǵan ushan-teńiz murasyna jan-jaqty taldaý jasap, ol aldymen jyr dúldúli Tumanbaı Moldaǵalıev aıtqan aqyndyqtyń áýlıe qusyn qolyna qondyrǵanyn dáıekteıtin órnekti óleń joldarymen alǵa tartty. Sol sekildi qazaq kórkem pýblısıstıkasynda da óz qoltańbasyn qalyptastyrǵanynan, ánge sóz jazýda ulttyq úlgini qatań ustanǵanynan, aýdarma salasynda da qyrýar sharýa bitirgeninen, oǵan álem oıshyldary men fılosoftarynyń qanatty qaǵıdalarynyń qadirin ketirmeı jurtymyzdyń kemel tilinde keremet sóıletkeninen mysaldar keltirdi. Shashaý shyqpasyn degen nıetpen jıyrma bes ǵasyrlyq, baǵzy zamannan búginge deıingi danalyq daraqtaryn jınap «Qazaq aforızmderi» degen kólemdi jınaqty tuńǵysh ret jaryqqa shyǵarǵanyna, ondaǵy dara da dana ulylarymyzdyń, ıaǵnı b.z.d.V ǵasyrdaǵy Anaqarys, Toqsary, Tonykók, Bilge qaǵan, Kúlteginnen bastap, Saǵat Áshimbaevqa deıingi ult jaqsylarynyń aıtqan oı oramdaryna da keńinen toqtaldy.
Dóńgelek ústelden keıin oǵan qatysýshylardy oblys ákimi Qumar Aqsaqalov qabyldap, eńseli azamatqa qurmet kórsetý abyroı ekenin atap, shyǵarmashylyǵymen de, qaıratkerligimen de halqyna shynaıy qyzmet etken Erbol Shaımerdenulyna degen iltıpatyn jetkizdi.
Ekinshi shara memlekettik rámizder kúnine oraı, «Tuńǵysh rámiztanýshy Erbol Shaımerdenuly» taqyrybyndaǵy oqýshylar konkýrsy oblystyń Jambyl aýdanyndaǵy Qojabergen jyraý atyndaǵy mektepte boldy. Saıys bastalar aldynda eldiń eńsesin tikteıtin ult rámizderin tuńǵysh ret halyqqa jetkizý, «Bul tóńirektegi asqar taýdaı qıyn sharýanyń bári jas qalamger Erbol Shaımerdenovtiń moınyna júkteldi. Ol naǵyz baıqatpaı júrip el múddesine eńbek ete biletin shyn beınetqorlyq minezin tanytty. Ol minezi jas táýelsizdigimizdiń táı-táı basqan alǵashqy jyldarynda ábden kórindi», dep sóz zergeri, aqyl danagóıi Ábish Kekilbaıuly aıtqandaı, Erbol ult jumysyn aqaýsyz atqaryp, el taný ilimin qalyptastyrǵany týraly aqıqat alǵa tartyldy. Oqýshylar arasyndaǵy bul saıys tórt baǵytta, naqtylaı tússek 5-11-synyp oqýshylary Otan, el, jer, rámizderimiz týraly patrıottyq ánder aıtyp, óleń shyǵaryp, sýret salyp, esse jazýdan baqtaryn synady. Barlyq qatysýshylarǵa sertıfıkattar men alǵys hattar, jeńimpazdarǵa baǵaly syılyqtar tapsyryldy. Osy arada Ǵ.Músirepov atyndaǵy orta mekteptiń 8-synyp oqýshylary A.Buǵasov pen J.Tasqojın Erbol Shaımerdenulynyń shyǵarmashylyǵy boıynsha «Qalamger murasy bizge ónege» degen taqyrypta ǵylymı jumys jazyp, oblysta júldeli orynǵa ıe bolǵanyn aıta ketelik. Osyndaı ǵylymı izdeniste júrgen oqýshylarǵa Kúlásh Shaımerdenova arnaıy syılyq tabys etti.
Erboldyń atajurtynda otyrǵandar mektepten oǵan arnap shaǵyn burysh ashypty. 95 jastaǵy alǵashqy ustazy Sharban Hákimqyzy balalyq shaǵynan este qalarlyqtaı estelikter aıtty. Aldaǵy ýaqytta mádenıet úıinen mýzeı jasaqtaý nıetinde eken.
Sóz túıinine keler bolsaq, san qyrly sańlaq, jurt rýhanııatyna ózindik úles qosqan qaıratker azamat Erbol Shaımerdenulyna aldaǵy ýaqytta da osyndaı qurmet kórsetýdi jalǵastyra bersek jarasary haq. Endigi jerde ózi salǵan úlgimen tuńǵysh rámiztanýshy, alǵash ret qazaq aforızmin júıeleýshi, Elbasynyń birinshi baspasóz hatshysy, qaıratker qazaq Erbol Shaımerdenuly atyndaǵy is-sharalar qatarynda Otanymyzda atalyp ótiletin Memlekettik rámizder kúnine oraı, «Tuńǵysh rámiztanýshy Erbol Shaımerdenuly» degen taqyrypta respýblıkalyq konkýrstar uıymdastyrýdy qolǵa alsaq, utylmas edik. Biz ataǵan usynys kıeli Qyzyljar óńirinde bastalyp ta ketti. Endi ol baıtaq elimiz boıynsha jalǵasyn tabaryna senimimiz mol.
Vaksına saldyrǵan qazaqstandyqtardyń sany naqtylandy
Koronavırýs • Búgin, 13:22
Almaty mańynda jer silkinisi boldy
Aımaqtar • Búgin, 12:57
Koronavırýs juqtyrýdyń 188 jaǵdaıy anyqtaldy
Koronavırýs • Búgin, 12:20
Kásipkerden 50 mln teńge bopsalaǵan bloger qamaýǵa alyndy
ANTIKOR • Búgin, 11:10
Elordada aýylsharýashylyq jármeńkeleri ótip jatyr
Elorda • Búgin, 09:37
Prezıdent qazaqstandyqtardy Ulttyq dombyra kúnimen quttyqtady
Prezıdent • Búgin, 09:09
Qazaqstan • Búgin, 08:50
51,4 myńǵa jýyq adam áleýmettik tólem aldy
Qoǵam • Keshe
Fýtboldan Qazaqstan chempıonaty: «Aqtóbe» top jardy
Fýtbol • Keshe
Elordada eki avtobýstyń baǵyty ýaqytsha ózgeredi
Elorda • Keshe
Neımardyń PSJ-men kelisimsharty 2027 jylǵa deıin uzartyldy
Fýtbol • Keshe
Pavlodarda tórtinshi qabattan úsh jasar qyz qulap ketken
Qoǵam • Keshe
Irandaǵy jer silkinisinen bes adam kóz jumdy
Álem • Keshe
Almatydaǵy Saıran kóli qurǵatylady
Ekologııa • Keshe
Almatydaǵy «Altyn-Orda» bazary mańynda dámhana órtendi
Aımaqtar • Keshe
Búgin Qazaqstan áskerı-áýe kúshteriniń qurylǵan kúni
Qazaqstan • Keshe
Múlik ıeleri birlestigine kóshýdiń mehanızmi túsindirildi
Qazaqstan • Keshe
Qazaqstan-Lıýksembýrg dıplomatııalyq qatynasyna 30 jyl toldy
Qazaqstan • Keshe
Jetisý óńirinen shyqqan qos tulǵaǵa eskertkish ornatyldy
Aımaqtar • Keshe
Prezıdent Almaty ákimin qabyldady
Prezıdent • Keshe
Qazaqstannyń dıplomatııalyq qyzmetine – 30 jyl
Qazaqstan • Keshe
«Qazfosfat» kásiporynda 2 jumysshy mert boldy
Qoǵam • Keshe
Almaty men Aqtóbede aýa sapasy nasharlaıdy
Aýa raıy • Keshe
Iranda 6 baldyq jer silkinisi boldy
Álem • Keshe
О́tken táýlikte 187 adam indet juqtyrdy
Koronavırýs • Keshe
Ekibastuzda polısııa qyzmetkerleri alaıaqtardy quryqtady
Qoǵam • Keshe
Búgin aqyn Muhtar Shahanov 80 jasqa toldy
Qazaqstan • Keshe
Elordada sýburqaqtan enterovırýs anyqtaldy
Elorda • 01 Shilde, 2022
Maqtaaral turǵyny aýlasynan adam súıegin taýyp aldy
Oqıǵa • 01 Shilde, 2022
2500-den astam dombyrashy qazaqtyń tanymal kúılerin bir mezette oryndady
О́ner • 01 Shilde, 2022
О́skemende 4,3 mln teńge jymqyrǵan esepshi ustaldy
Oqıǵa • 01 Shilde, 2022
Otandyq kásipkerler keńesiniń otyrysy jańa formatta ótti
Úkimet • 01 Shilde, 2022
Qaraǵandyda ǵarysh monıtorıngi bazada tirkelmegen 11 myń jer ýchaskesin tapty
Aımaqtar • 01 Shilde, 2022
Birneshe óńirde aýa raıyna baılanysty eskertý jarııalandy
Aýa raıy • 01 Shilde, 2022
Uqsas jańalyqtar