Ýgo Chaves qaıtys boldy
Beısenbi, 7 naýryz 2013 7:41
Venesýelanyń Vıse-prezıdenti Nıkolas Madýro ultqa teleúndeýinde el Prezıdenti Ýgo Chavestiń rak aýrýynan qaıtys bolǵanyn habarlady. Madýro, sondaı-aq, Chavestiń seısenbi kúni jergilikti ýaqyt boıynsha 16 saǵat 25 mınýtta kóz jumǵanyn jarııa etti. Budan birneshe saǵat buryn Venesýela basshylyǵy prezıdenttiń densaýlyǵy «jańa aýyr ınfeksııadan» aıtarlyqtaı nasharlap ketkenin moıyndaǵan bolatyn.
Beısenbi, 7 naýryz 2013 7:41
Venesýelanyń Vıse-prezıdenti Nıkolas Madýro ultqa teleúndeýinde el Prezıdenti Ýgo Chavestiń rak aýrýynan qaıtys bolǵanyn habarlady. Madýro, sondaı-aq, Chavestiń seısenbi kúni jergilikti ýaqyt boıynsha 16 saǵat 25 mınýtta kóz jumǵanyn jarııa etti. Budan birneshe saǵat buryn Venesýela basshylyǵy prezıdenttiń densaýlyǵy «jańa aýyr ınfeksııadan» aıtarlyqtaı nasharlap ketkenin moıyndaǵan bolatyn.
Jeltoqsan aıynyń ortasynda Chaves qaterli isikti sylyp tastaý boıynsha Gavanada tórtinshi márte ota ústeline jatýǵa májbúr bolǵan edi. Keıin onyń aýrýy asqynýyna baılanysty uzaq ýaqyt boıy Kýba astanasynda qalýyna týra kelgeni, Venesýelaǵa tek aqpan aıynyń ortasynda ǵana oralǵany belgili boldy. Syrqatyna baılanysty Chaves óziniń ınaýgýrasııasyna da qatysa almady.
Taǵy bir aıta ketetin jaıt – sońǵy otasynan soń Chaves birde-bir márte el aldynda, sondaı-aq, teledıdardan kóringen joq. Venesýela basshylyǵy bar bolǵany onyń otadan keıingi sýretterin kórsetýmen shekteldi. Bul jaıt el prezıdenti tóńireginde túrli ósek-aıań týyndaýyna sebep boldy. Resmı málimet Chaves syrqatynan aıyǵyp kele jatyr dese, jurtshylyq onyń jaǵdaıy asa aýyr eken degen sózderge erik berdi.
Chavestiń qaterli isik aýrýyna ushyraǵany 2011 jyldyń basynda belgili bolǵan-tyn. Sodan keıin oǵan Kýbada eki márte – 2011 jyldyń basynda jáne 2012 jyldyń alǵashqy jartysynda otalar jasaldy. Sondaı-aq, ol hımııalyq terapııanyń birneshe kýrsynan ótti. Syrqatyna qaramastan, Chaves ótken jyldyń qazan aıynda kezekti ret prezıdenttik saılaýda jeńiske jetken edi.
59 jastaǵy Chaves 1999 jyldan beri Venesýelanyń prezıdenti bolatyn.
