Sharaına
Beısenbi, 14 naýryz 2013 2:33
Alǵashqy týr papany anyqtamady
Konklav (kardınaldar jınalysy) daýys berýdiń birinshi týrynda jańa Rım papasyn saılaı almady. Buǵan Sıkstın kapellasynyń shatyryndaǵy murjadan shyqqan qara tútin dálel bolyp tabylady. Eger úmitkerlerdiń bireýi konklav quramyndaǵy 115 kardınaldyń úshten ekisiniń daýysyn alǵan jaǵdaıda murjadan aq tútin shyǵatyn edi.
Beısenbi, 14 naýryz 2013 2:33
Alǵashqy týr papany anyqtamady
Konklav (kardınaldar jınalysy) daýys berýdiń birinshi týrynda jańa Rım papasyn saılaı almady. Buǵan Sıkstın kapellasynyń shatyryndaǵy murjadan shyqqan qara tútin dálel bolyp tabylady. Eger úmitkerlerdiń bireýi konklav quramyndaǵy 115 kardınaldyń úshten ekisiniń daýysyn alǵan jaǵdaıda murjadan aq tútin shyǵatyn edi.
Iаǵnı, kandıdattardyń kaısybiri jeńiske jetý úshin ony daýys berýshilerdiń 77-si qoldaýy tıis. Jalpy, saılaý qupııa túrde júredi. Buǵan deıin habarlanǵanyndaı, kardınaldar ózderine unaǵan úmitkerlerge kúnine tórt márte daýys beredi. Daýys eseptelgennen keıin bıýlletender jaǵyp jiberiledi. Al jańa pontıfıkti saılaý qajettiligi Rım papasy Benedıt XVI-nyń ústimizdegi jyldyń 28 aqpanynda óz ókilettiligin toqtatatyny týraly jarııalaǵannan keıin týyndaǵany belgili.
Otyz qashqynnyń kózin joıdy
Sırııa úkimeti áskerleriniń jaýyngerleri ózderiniń qyzmet oryndaryn ruhsatsyz tastap ketip, búlikshilerge qosylmaqshy bolǵan 30-dan astam qashqynnyń kózin joıdy. Urys Damask áýejaıyn el astanasymen jalǵastyryp jatqan jol boıynda oryn aldy.
Qashqyndar búlikshilerdiń baqylaýyndaǵy Shyǵys Gýta aýdany jaǵyna baǵyt alǵan kezde burynǵy seriktesteri qurǵan qaqpanǵa túsken. Tez aıaqtalǵan atys barysynda barlyq qashqyndar oqqa ushsa, búlikshiler olarǵa kómekke kelip úlgermegen. Sońǵy aptalarda áýejaıǵa aparatyn jol boıyndaǵy soǵys kúsheıip otyr. Qarýly oppozısııashylar strategııalyq mańyzdy magıstraldi óz baqylaýlaryna alýǵa umtylyp, qaıta-qaıta shabýyldaýda. Biraq olarynan ázirshe nátıje shyǵar emes.
Shabýyl jasamaý kelisimin buzdy
Soltústik Koreıa Ońtústik Koreıamen bitimgershilik týraly kelisimdi zańsyz dep tapty. Bul týraly Soltústik Koreıa halyqtyq qarýly kúshter mınıstrliginiń málimdemesinde aıtylady. Mınıstrlik sondaı-aq buǵan deıin habarlanǵan Phenıannyń Seýlmen shabýyl jasamaý týraly kelisimnen shyǵatyny týraly habarlamany qýattaǵan.
Halyqtyq qarýly kúshter mınıstrligi endi Seýl men Vashıngtondaǵy «soǵys otyn jaǵýshylarǵa» 1950-1953 jyldardaǵy Koreı soǵysynan keıin jasalǵan bitimgershilik kelisiminen shyqqan soń KHDR moınyna eshqandaı jaýapkershilik almaıtynyn eskerýleri tıis ekendikterin eskertedi. Sonymen qatar, Phenıan ózine AQSh pen basqa da álemdik derjavalardyń qysymyna qarsy turýǵa múmkindik beretin óziniń ıadrolyq qarýlaryn damytý nıetinde ekenin atap kórsetedi.
Qysqa qaıyryp aıtqanda:
Qyzmet babyn asyra paıdalanǵany úshin 7 jylǵa sottalyp, merzimin ótep jatqan Ýkraınanyń burynǵy premer-mınıstri Iýlııa Tımoshenko 2015 jylǵa belgilengen prezıdenttik saılaýǵa balamaly túrde túsýge nıeti bar ekenin málimdedi.
Belorýssııa prezıdenti Aleksandr Lýkashenko sheneýnikterge 25 myń eýrodan qymbat turatyn qyzmet avtokólikterin satyp alýǵa tyıym saldy. Muny prezıdenttiń baspasóz qyzmetine silteme jasaı otyryp, «Interfaks-Zapad» agenttigi habarlady.
Kamchatka ólkesiniń soltústigindegi Karagın aýdanyndaǵy Ilpyrskoe selosynan 30 shaqyrym jerde magnıtýdasy 6,5 ball bolatyn jer silkinisi tirkeldi. Bul tabıǵı qubylystan zardap shekkender týraly málimet joq.
Reseıdiń Belgorod qalasyndaǵy alańdardyń birine ornatylǵan Lenın eskertkishi qıratyldy. Onyń eskertkishin ornynan alý týraly sheshimdi Belgorod qalalyq keńesiniń depýtattary qabyldaǵan eken. Endi Lenınniń ornyna qala tarıhyna qatysy bar basqa bir eskertkish qoıylmaq.
Úzdik kásipkerge – 7 jyl túrme
О́zbekstanda jergilikti bıznesmen Holıshon Boboeva «qarjy-sharýashylyq jáne salyq zańnamasy salasynda jasaǵan» qylmysy úshin jeti jylǵa bas bostandyǵynan aıyryldy. «SentrAzııa» basylymynyń jazýynsha, ondaı úkimdi Jyzaq qalalyq soty shyǵarǵan.
Qalalyq sottyń qylmystyq ister jónindegi tóraǵasy Kahramon Holmýrodovtyń sózine qaraǵanda, Boboeva basshylyq jasaıtyn jeke menshik kompanııany tekserý barysynda kóptegen zań buzýshylyqtar anyqtalǵan. Sonymen qatar, basylym Boboevanyń byltyr ǵana respýblıkalyq konkýrsta «Úzdik kásipker» nomınasııasy boıynsha jeńiske jetkenin jazady. Al konkýrs О́zbekstan prezıdenti Islam Karımovtiń qoldaýymen uıymdastyrylypty.
Latvııada tiri legıonerler qansha?
Qazirgi kezde Latvııada SS-tiń 75 burynǵy legıoneri turyp jatyr eken. Mundaı aqparatty Latvııa ýnıversıtetiniń oqytýshysy, áleýmettanýshy Dıdzıs Berzınsh taratty. Búginde ol legıonerlerge arnalǵan áleýmettik zertteýler júrgizip jatsa kerek.
Áleýmettanýshynyń sózine qaraǵanda, latysh legıoneriniń birjaqty portretin salyp shyǵý múmkin emes, óıtkeni, olardyń árqaısysynyń óz tarıhy bar. Sebebi, olardyń kópshiligi ózderin táýelsizdik úshin kúresip júrmiz dep sanaǵan. Sondyqtan olardyń pikirin ózgertý qıynnyń qıyny. Al tarıh máseleniń basqasha ekenin kórsetip berip otyr. Alaıda, olardyń bári qylmysker deýge taǵy kelmeıdi, deıdi D. Berzınsh. Latysh legıony 1943 jyly qurylǵan bolatyn.
Soldatty tonaǵandar jazalandy
Tájikstannyń Qorǵantóbe qalasyndaǵy Reseıdiń áskerı bazasynyń áskerı qyzmetkerlerin tonaǵan eki jergilikti turǵynǵa úkim shyǵaryldy. Sot sheshimi boıynsha olardyń árqaısysy 10,5 jyldan bas bostandyqtarynan aıyryldy.
Tergeý derekterine súıensek, Tochıddın Nazarov pen Vıktor Oleınık Nıkolaı Aleksandrovtyń áskerı bıleti men basqa da qujattaryn, sondaı-aq 625 dollaryn tartyp alǵan. Qujattaryn qaıtaryp berý úshin olar soldattan 13 myń rýbl talap etken. Aleksandr Gorelkın de qylmyskerlerdiń qurbandyǵyna aınalǵan. Nazarov pen Oleınık onyń 10 myń rýblin alyp qoıǵan. О́zge de birneshe soldatqa álimjettik jasaǵan. Qylmyskerlerdiń qandaı jaǵdaıda qolǵa túskeni belgisiz.
Internet materıaldary
negizinde ázirlendi.
