Qazaqstana atynan sóz sóılegen «Kazarh tourism» Ulttyq kompanııasy Basqarma Tóraǵasynyń orynbasary Tımýr Dúısenǵalıev qazaq týrızmi úshin jańa baǵyttardyń betalysy baıqala bastaǵanyn, qonaq úı týrızminiń jańa múmkindikteri jaıly tilge tıek etip ótti: Tımýr Talashulynyń paıymdaýynsha, biz bıznestiń osy túriniń múmkindigin keńinen paıdala almaı otyrmyz. Mysaly, Qazaqstannyń О́zbekstanmen, Qyrǵyzstan nemese Reseımen shekaralas aımaqtarynda qonaq úı bıznesi óz áleýetinde damyp otyr dep aıta almaısyń: Mysaly, Soltústik Qazaqstan oblysynyń ortalyǵynda qazaq-Reseı bıznes forýmdary jıi ótip turady. Aldaǵy ýaqytta mundaı formatta ótetin jıyndarǵa alys-jaqyn elderdiń delegasııalary qatysyp, óziniń formatyn keńitýi ábden múmkin. Al oblys ortalyǵynda halyqaralyq talaptarǵa jaýap beretin qonaq úı múldem az. Mysaly, ótken forýmdardyń birinde eki elden kelgen delegattardyń sany 5 myńnan asyp ketkende oblys basshylary olardy qaıda qondyraryn bilmeı ábigerge túsip qalǵan kórinedi. «Qazir týrızm salasynyń múmkindikteri ártaraptandyryldy: 2019 jyldyń aıaǵyna deıin Astanada «Kóshpendiler» Shyǵys Qazaqstan oblysynda «Altyn adam» festıvalin ótkizý josparda bar. Astananyń bir mezgilde birneshe júzdegen myń qonaqty kútip-alyp, shyǵaryp salýǵa múmkindigi bar. Sondyqtan shyǵys óńirindegi qonaq úı bıznesiniń áleýetin qaıta qarap, qosymsha qarjylandyrý týraly usynys engizdik», -deıdi Tımýr Dúısenǵalıev.
Forým qonaqtarynyń asyǵa kútken forýmniń ekinshi plenarly sessııasynda sóz sóılegen túrkııalyq sarapshy, «Kilit Hospitaly Group» tobynyń jetekshisi Tolga Kılıt jınalǵandardy Túrkııa týrızmi tabysytylyǵynyń syrymen bólisti: Onyń paıymdaýynsha, týrızm der kezinde qórektendirip, qýrap qalǵan tamyrlaryn kesip tastaǵanda ǵana jańa butaqtar ósip shyǵatyn alyp aǵash tárizdi. Týrımzm nemese qonaq úı bıznesiniń damýy úshin ınfraqurylym nemese menedjment múldem az.
«Maǵan alys-jaqyn shetelderdiń týrızm ındýstrııasy jaqsy tanys. Basym kópshiliginde qonaq úı servıizi dep súlgi nemese halattardy alystan arbalap alyp kelgenge basymdyq beredi. Bul qyzmet kórsetý baǵasyna áser etedi. Al týrıstti birinshi kezekte barǵan eliniń tabıǵaty nemese arhıtektýrasy qyzyqtyrady. Al qalǵandarynyń bári ekenshi kezekte. Biz týrızmmen birge jeńil ónerkásipti de, kále-syı bıznesin de qatar damytýǵa tarystyq. Qazir Túrkııada joǵary sanattaǵy qonaq úıleri bar kásipkerleriń basym kópshiligi jeńil ónerkásip sııaqty birneshe bıznes túrin qatar alyp júr» dep sózin bir túıip ótti Tolga Kılıt. Odan ári túrkııalyq qonaq óz elinde tarıhı jáne mádenı týrızm trendtke aınalyp kele jataqanyn da aıtyp ótti. Sońǵy onshaqty jyldyń bederinde Túrkııa, túrik sultandary tarıhyna qyzyǵýshylyq tanyta bastaǵandardyń qatary eselep kóbeıip ketipti:
«Túrkııa týrızminiń altyn ǵasyry endi týdy. Túrkııa mádenı jáne tarıhı týrızmniń damýy úshin jyl saıyn 20 mlrd AQSh dollaryn bólýge sheshim qabyldady», -dep sózin qortyndylady Tolga Kılıt.
Forým jumysy jalǵasyp jatyr
ALMATY
