Irgesi berik – ilgeri basar

Degenmen qoǵam­da ál­debir qolaısyzdyqtar oryn alyp tur­ǵanyn kórip otyr­myz. Al­maty qalasynda bi­rer­­ kún buryn kóshelerde ruq­sat­ etilmegen sherý ótti. Onda­ǵy bas­tama­shy­lardyń bi­razy ózimiz­diń aqyn ini-baýyrla­rymyz eke­nin kó­rip, tipti alań­dadyq. Ruq­sat­ etilmegen sherý bol­ǵan­­­­­­­dyq­tan, aıtarlyqtaı bas­bu­zar­­­lyq oryn almasa da, ondaı jer­de kópshiliktiń tártipke shaqy­rylýy zańdy qubylys. Oı­naıtyn sharýa emes sekildi. Alań­ǵa myń­daǵan adam jınal­dy. Olardy qorshap tur­ǵan qarýly top odan da kóp. Biz baıqaǵandaı, jı­nalǵandardyń báriniń nıeti taza, tilegi adal dep aıtý da qıyn. Birazy, bılikke degen naq­ty usy­­nystaryn aıta kelse, keı­biri qara kóbeıtip júrgendeı, nege kelgenin bilmeıtinderdi de, tipti arandatýshylardy da kózi­miz shaldy... 

О́rkenıetti elderde ha­lyq­tyń tilegin jet­kizýdiń zańdy joldary bar. Biz táýelsiz el bol­dyq, otyz jylǵa jaqyn azat oı­ly mem­­leket qurǵanymyz bel­gili. Bul saılaýdyń basty qorytyndysy – halyq ózi­niń er­kin daýys berýge quqyly ekenin tanytty.­ Bo­­­lashaq ózge­risterdiń ba­­sy, ir­ge­­tasy qa­landy deý­­ge bola­dy. Jo­ǵa­ry­da­­­ǵy jınalǵan adam­dar­dyń jaman aıtpaı jaqsy joq, ba­sy jarylyp, kózi shyq­sa, sol jıynnyń kózge kó­rinip tur­ǵan úgitteýshisi jaýapty bolyp, ja­­zaǵa tartylady. Osynyń biz­ge dál qazirgi ýa­qyt­ta keregi bar ma? Bir-birimizdi arandatyp, sherýdiń artyn sha­taqqa ulas­tyrǵannan ne nátıje shy­ǵady?

Biz odan da elimizdiń táýel­sizdigin qurmettep, so­nyń baıan­dy bolýyna kúsh salǵanymyz durys. Táýbe, elimizdiń irgesi berik, bú­­ginde bolashaǵy­myz aı­qyn. Qan­­sha qıyn­shy­lyq bol­­ǵanmen, aqyr­yndap ilgeri basyp kele­miz. So­ǵan súıinip, soǵan bári­miz bas-kóz bolyp, qaıta qol­dan kelgen kómegimizdi jasasaq, jarqyn kúnderimiz alda emes pe? Men bul jerde,­ barsha baýyr­­larymdy sa­byr saqtaýǵa sha­qy­ramyn. Arandatýǵa ermeı, bir-birimizdi jaý kórmeı, ton­nyń ishki baýyndaı birge bolaıyq.

Júrsin ERMAN,

aqyn, Qazaqstannyń eńbek sińirgen qaıratkeri