Saıası dodada top jarǵan búgingi Prezıdentimiz Qasym-Jomart Toqaev Qazaqstandy jańa beleske kóteretinine senim arta bilýimiz kerek. Qazaq ejelden sózge toqtaı bilgen, dám-tuzdy aqtaı bilgen halyq emes pe edik. Qasym-Jomart Kemelulynyń keshegi ulyqtaý rásiminde aıtqanyndaı, oǵan deıin de kóterip kele jatqan máselelerin tyńdaǵan bolsaq, ádilet jolynda el basqarýdyń jańa dáýirine ótemiz dep otyr. Bul sóz oılaý júıesi jańa demokrat tulǵanyń sózi.
Júıege kúıe jaǵa salý bárimizdiń qolymyzdan keledi. Biraq, júıeni jóndeýge eshkimniń sabyry jeter emes. Baýkeń aıtpaqshy, zańǵa baǵynsaq eshkimniń quly bolmaımyz. Biz bireýlerdi úlgi tutpaýymyz kerek, qaıta bizden úlgi alsyn ózgeler. Bılik jastardyń talap-tilekterin tyńdap jáne sony oryndaýǵa shama-sharqynsha kónip otyr. Tek sol áreketterdi júzege asyrýǵa múmkindik berýimiz kerek. Aldaǵy bes jylda úlken beleske shyǵatynymyzǵa sengenimiz jón. Beleske beıbit kúnde ǵana kóterile alamyz.
Serik AQSUŃQARULY,
aqyn, Qazaqstannyń eńbek sińirgen qaıratkeri
