Bárimizdiń tilegimiz bireý, ol – el tynyshtyǵy. Bul oraıda strategııalyq mańyzdy mindetterdi odan ári baıandy ete otyryp, halyqtyń ál-aýqatyn, turmysyn jaqsartý basym baǵyttardyń biri bolyp qala bermek. Memleket basshysy qyzmetke kirisken kúnnen bastap ulttyq múdde men birlikke úlken mán beretinin, myqty memlekettiń bolashaǵy naq osy qundylyqtarmen tyǵyz baılanysty ekenin málimdedi. Halyq aldynda saltanatty túrde ant bere otyryp ózine júktelgen barlyq talaptardy qaltqysyz oryndaıtynyn atap kórsetti.
Aldymyzda aýqymdy mindetter turǵanyn jaqsy bilemiz. Sondyqtan tarıhqa qurmetpen qaraý, Otanǵa adal bolý, ǵylym-bilimge umtylys sekildi halqymyzdyń boıyndaǵy asyl qasıetterdi elimizdiń erteńi – jastarǵa amanattaı bilsek, básekege qabilettigimiz artady, birligimiz nyǵaıady. Eń bastysy, qıyndyqtar men problemalardy birigip eńserýdiń, syn-qaterlerdi jeńýdiń biryńǵaı tájirıbesi qalyptasyp, órkenıetti memleketter qataryna qosylýmen qatar, jasampaz ózgerister kúndelikti daǵdyǵa aınalary sózsiz.
«Baq baǵalaǵannyń basynda turady» degen tamasha sóz bar. Saıası kúshterdiń belsene qatysýymen demokratııalyq talaptarǵa saı ótken saıası naýqan ortaq maqsat jolynda judyryqtaı jumyla biletinimizdi, eldik máseleler eshkimdi beıjaı qaldyrmaıtynyn kórsetti. Qoǵamdy mazalaıtyn, tolǵandyratyn problemalardyń sheshý jolyn usynǵan Prezıdenttiń naqty baǵdarlamasy bárimizdiń kókeıimizge qonady.
Gúlbaqsha MUSABAEVA,
«Urpaq» qazaq mádenı-aǵartý ortalyǵynyń tóraıymy,
Qazaqstan halqy Assambleıasynyń múshesi
Soltústik Qazaqstan oblysy
