Birinshi kezdesýinde jarys qojaıyny Koheı Sambeni 4:2 esebimen utqan qazaqstandyq sportshy Kırıll Gerasımenko koreıalyq Cho Synmınmen jolyqqan bolatyn. Kırıll 0:3 nátıjesimen jeńilip jatyp, esep aıyrmasyn 2:3-ke deıin qysqarta aldy. Alaıda káris sportshysy altynshy partııada taǵy da ústemdigin kórsetip, 2:4 esebimen jeńiske jetti.
«Úshinshi sette Kırıll óz oıyn órnegin taba aldy. Tórtinshi setti de táýir oınaǵan. 0:3 esebimen jeńilip jatqanyna qaramastan, kezdesýde jeńiske de jetýge bolýshy edi. Altynshy partııada 9:9 teń nátıjesinde basymdylyqqa ıe bolǵan. Biraq sáttilik serik bolmady. Tennıs shary raketkanyń qyryna tıip, aýtqa ushyp ketti. Dál osy sát oıyn taǵdyryn sheshti. Káris sportshysy osal oıynshy emes. Osydan bir jarym jyl buryn Kırıll oǵan 2:3 esebimen dol bergen. Bul joly jeńiske jetýge bir taban jaqyn boldy. Biraq sáttilik jetispedi», dedi ulttyq komandanyń keńesshi-bapkeri Dmıtrıı Levenko.
