Aımaqtar • 14 Maýsym, 2019

Robot arqyly operasııa jasaıdy

263 ret kórsetildi

Jas dáriger, hırýrg Rınat Muzdybaevty oblystyq densaýlyq saqtaý basqarmasy bergen tizimnen uıaly telefony arqyly taýyp, habarlastyq. Dáriger jumys isteıtin ýrologııa bólimin aralap, beıtanys emdelýshilerdi áńgimege tarttyq. «Pasıentterge jaqsy qaraıdy, áriptesteriniń bári qurmetteıdi» dedi bizge osy jerde 16 jyldan beri jumys isteıtin Galına Porıagına.

 Ýrologııa bóliminiń beketin­de otyrǵan qyzdardan ózimiz ómiri kórmegen dáriger týraly­ syr sýyrpaqtadyq. «Altyn qol­­dy dáriger. Ol kóbine ish qury­lystaryna laparoskopııalyq operasııalar jasaıdy. Osyn­da­ǵy byltyr ashylǵan robot­tan­dyrylǵan hırýrgııa orta­lyǵynda bizdiń bólimnen Rınat qana operasııa jasaı alady. Bilimin jetil­dirip, shetelde oqyp keldi», dedi ózderin Elvıra, Araı, Tanıa dep tanystyrǵan úsh medbıke.

Biz palata aralap júrgende izde­gen dárigerimiz de qyzmet ból­mesine kelip, kútip otyr eken. 1982 jyly О́skemende dúnıege kel­gen, 2005 jyly Semeıdiń me­dı­sınalyq akademııasyn bitir­gen Rınat Murathanuly 2008 jyl­dan beri Shyǵys Qazaqstan oblystyq mamandandyrylǵan medı­sınalyq ortalyǵynyń (bu­rynǵy №1 qalalyq aýrýhana)  ýro­logııa bóliminde eńbek etip keledi. «Operasııalardy robottyń kómegimen de, laparoskopııalyq tásilmen de jasaımyz. Oblys ákimi Danıal Ahmetovtiń bastamasymen ashylǵan robottandyrylǵan hırýrgııa ortalyǵynda byltyrdan beri 100-den astam operasııa j­a­sadyq. Árıne, brıgadamen, ko­man­­damen jumys isteımiz. Onyń ishinde hırýrg te, ýrolog ta, onkolog ta bar» deıdi birinshi sanatty ýro­log-dáriger.

Rınat 2017 jyly óńirdegi dárigerlerdiń biliktiligin arttyrý baǵdarlamasy aıasynda Germanııa men Italııa memleketterine baryp, robot kómegimen operasııa jasaýdyń qyr-syryn sol jaqtaǵy ma­mandardan úırenip qaıtypty. «Árı­ne, robotty ashyq operasııamen sa­lystyrýǵa kelmeıdi. Desek te ar­tyqshylyqtary kóp. Máselen, adamnyń aty adam ǵoı, operasııa barysynda keıde dárigerdiń qoly dirildeýi múmkin. Al robot naqty. Sál baıaý bolýy múmkin, biraq dál. Baǵdarlamany qoıasyń, boldy. Robottyń qoldary da ıkemdi. Adamnan góri múmkindigi zor. Adam isteı almaıtyn dúnıelerdi jasaıdy. 360 gradýsta emin-erkin burylady. Tez emdep, tez tigedi. Robot pen laparoskopııa ashyq ope­rasııalardy azaıtýǵa septigin tı­gizdi» deıdi ol.

Sóz arasynda buǵan deıin qan­­sha operasııa jasaǵanyn da su­ra­dyq. «Esimde joq, sanamappyn. Biz­ mergen emespiz ǵoı» dep qys­qa qa­ıyr­­dy.

Jas dáriger byltyr Elbasynyń Jarlyǵymen «Eren eńbegi úshin» medalimen marapattalypty. 2018 jyly «Qazaqstannyń 100 jańa esi­mi» jobasynyń oblystyq keze­ńine qatysty. «Meni kim usyn­ǵa­nyn ózim de bilmedim» dep tań­da­nady ózi.

Iá, Rınat Murathanuly qaq-soqta isi joq, ataq-abyroı sońynan alaókpe bolyp júgirmeıtin qara­paıym dáriger.

О́SKEMEN

Sońǵy jańalyqtar

15169 adam koronavırýs juqtyrdy

Koronavırýs • Keshe

Uqsas jańalyqtar