Aımaqtar • 17 Maýsym, 2019

Balqashta halyqaralyq týrıstik forým ótti

211 ret kórsetildi

Balqash qalasynda Qaraǵandy oblystyq ákimdigi men kásipkerlik basqarmasynyń uıymdastyrýymen týrızm forýmy ótti.

Balqash qalasynda Qaraǵandy oblystyq ákimdigi men kásipkerlik basqarmasynyń uıymdastyrýymen ótken forýmǵa Reseıdiń Túmen, Omby qalalarynan, sondaı-aq Mońǵolııadan týrızm mamandary qatysty. Sheteldik qonaqtar Nur-Sultan men Almaty qalasynan kelgen mamandarmen birge kýrorttyq aımaqtaǵy jaǵajaılyq demalys oryndaryn aralap kórdi. 

– Osy forýmǵa biz demalys oryndaryn óz kózimizben kórip, alǵan áserimizdi túmendikterge jetkizý úshin keldik. Qazaqstanda, atap aıtqanda Balqash qalasynda tabıǵat tamasha, demalys oryndary jaıly jáne baǵalary da qoljetimdi. Qonaqjaılylyq joǵary deńgeıde, adamdary ashyq-jarqyn, – dep aǵynan jaryldy Túmen delegasııasynyń múshesi Tatıana Semenova.

Týroperatorlardyń aıtýynsha, qazirgi tańdaǵy ózekti máselelerdiń biri kóliktik qatynas eken. Týrıster Balqashqa poıyzben keler bolsa, onda olarǵa aýysýlarmen júrýge týra keledi, al avtomobıldik saıahat kóp ýaqytty alady. Transfer máselesi sheshilse, kóptegen qıyndyqtar joıylyp, reseılik týrıster aǵymy ulǵaıar edi degen pikir aıtty mamandar.

Mońǵolııadan kelgen qonaq Baǵjanar Hanat Altaı men Shyǵys Qazaqstanǵa sheteldik týrısterdi tartý tájirıbesimen bólisti. Onyń fırmasy bul ispen tabysty aınalysyp júrgen kórinedi. Sheteldik maman endi Balqash kóli mańyndaǵy ǵajaıyp kórinisterge qyzyǵýshylyq tanytyp otyrǵanyn da jasyrmady. 

Týrıstik forým aıasynda Balqash qalasynda «Densaýlyqqa jol» atty jeńil atletıkalyq marafon jáne kemeler sherýi uıymdastyryldy. Odan keıin forýmnyń plenarlyq otyrysy ótip, onda sala mamndary otandyq týrızmdi damytý máselelerin talqylady.

 

Qaraǵandy oblysy


Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar