Aımaqtar • 18 Maýsym, 2019

Sýretshiler Tarazda bas qosty

264 ret kórsetildi

Eki myń jyldan astam tarı­hy bar kóne Taraz shahary túr­ki mádenıetiniń ordasy bolyp sanalady. Bul rette talaıǵy Ta­raz­ǵa qyzyǵýshylar qatary da az emes. Túrli tarıhı oryndar, ejel­gi eskertkishter, tastaǵy tańba­lar­dyń bári de ult tarıhynyń usty­ny bola alatyn qundylyqtar. Qazaq­stan Respýblıkasynyń Tuń­­ǵysh Prezıdenti Nursultan Nazar­baevtyń «Bolashaqqa baǵdar: rýhanı jańǵyrý» baǵdarlamalyq maqa­lasy aıasynda Taraz tórinde Jambyl oblystyq mádenıet, arhıvter jáne qujattama basqar­masynyń uıymdastyrýymen «Áý­lıe­ata boıaýlary» I halyq shyǵar­mashylyǵy festıvali ótti. Atalǵan festıvalǵa Nur-Sultan, Almaty qa­lalary men Batys Qazaqstan, Qaraǵandy, Pavlodar, Shyǵys Qazaqstan jáne Jambyl oblystarynan sýretshiler keldi.

Mádenı shara eki kezeń boıynsha uıymdastyryldy. Áýelgi kezeńde elimizdiń tórt qubylasynan kelgen týyndygerler Taraz qalasynyń tarıhı-mádenı oryndaryn aralap, ekskýrsııa jasady. Ekskýrsııa barysynda sýretshiler shahar týraly shyǵarmalaryna arqaý bolatyn oryndardy tańdady. «Festıvalǵa qatysýshylar Áýlıeata jerindegi Qarahan baba, Aısha bıbi, Aqyrtas qalashyǵy, Kóne Taraz tarıhı-mádenı orny jáne «Jeńis» saıa­baǵy sııaqty kórnekti oryndardy tańdady. Sonymen qatar qyl­qalam sheberleri oblys aýdanda­ryna da sapar shegip, ózderine tıe­­sili aýmaqtardyń kelbetin kes­kin­deý­de», deıdi oblystyq máde­nıet, ar­hıvter jáne qujattama bas­­qar­masyna qarasty halyq shy­ǵar­mashylyǵy ortalyǵynyń dırektory Ǵanı Sadyrbaev.

Elimizdiń ár qıyrynan kelgen sýret­shiler Tarazdyń tabıǵaty men­­ tarıhı-mádenı oryndary­ beı­nelengen qyryq kartına saldy. Bul týyndylardy olar ózde­riniń sheberligi men sýretshilik qııa­ly arqyly órbitip, kóne sha­har­dyń kórkem álemin jasady. Al festıvaldiń ekinshi kezeńi aıa­synda Taraz qalasyndaǵy B.Mo­mysh­uly atyndaǵy «Jeńis» saıa­baǵynda ashyq aspan astynda kór­me uıymdastyryldy. Atalǵan kór­mege qatysýshy sýretshilerdiń shyǵar­malary men Áýlıeata óńirine belgili qolóner sheberleriniń jáne fotosýretshilerdiń de týyndylary qoıyldy.

 

Jambyl oblysy

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar