Sharaına
Senbi, 18 mamyr 2013 1:27
AQSh Reseıden «ósh alý» nıetinde
AQSh elden Reseı dıplomatyn shyǵaryp jiberý máselesin qarastyryp jatyr. Bul AQSh elshiliginiń úshinshi hatshysy retinde Reseıde jasyryn jumys júrgizgen Raıan Fogldy elden qýýǵa qabyldanǵan sheshimge jaýap qadam retinde qabyldanýy yqtımal. Muny AQSh Memdepartamentiniń ókili Patrık Ventrell málimdedi.
Senbi, 18 mamyr 2013 1:27
AQSh Reseıden «ósh alý» nıetinde
AQSh elden Reseı dıplomatyn shyǵaryp jiberý máselesin qarastyryp jatyr. Bul AQSh elshiliginiń úshinshi hatshysy retinde Reseıde jasyryn jumys júrgizgen Raıan Fogldy elden qýýǵa qabyldanǵan sheshimge jaýap qadam retinde qabyldanýy yqtımal. Muny AQSh Memdepartamentiniń ókili Patrık Ventrell málimdedi.
Osynyń aldynda AQSh-tyń Reseıdegi elshisi Maıkl Makfolǵa Ortalyq barlaý basqarmasynyń ókili Raıan Fogldyń Reseıdiń arnaıy qyzmetiniń biriniń qyzmetkerin AQSh-tyń paıdasyna qupııa jumysqa tartýǵa árekettengeni úshin narazylyq bildirilgen bolatyn. Osylaısha qylmystyq pıǵyly áshkerelenip qalǵan amerıkalyq dıplomatqa Reseı aýmaǵyn tez arada tastap shyǵýy tıistigi jóninde eskertilgen edi.
Sırııa týraly qarar qabyldady
BUU Bas Assambleıasy Sırııa janjalyn jazǵyrǵan qarar qabyldady. Qujatta qantógisti beıbit retteý qajettigi atap kórsetiledi. Al qarar tek usynymdama sıpatyna ıe bolsa, ony 107 eldiń ókilderi qoldaǵan. 59 memlekettiń daýys berýden tys qalǵanyn da atap ótken jón.
Reseıdi, Belarýsti, Qytaı men Irandy, Sırııany jáne Venesýela men Koreıa Halyq-Demokratııalyq Respýblıkasyn qosa alǵanda, 12 memleket qararǵa qarsy daýys bergen. Táýelsiz BUU dıplomattaryna silteme jasaǵan «Reıter» agenttiginiń habarlaýynsha, byltyr mundaı qarardy 133 memleket qoldaǵan kórinedi. Bul arada qararǵa qoldaý kórsetý kórsetkishiniń tómendeýi úkimet áskerlerine qarsy jasaqtar sanynyń óse túsýine alańdaýshylyqpen baılanysty bolyp otyrǵan syńaıly.
Lańkestiktiń saldary óte aýyr
Irakta qatarynan jasalǵan jarylystar saldarynan kem degende 35 adam qaza tapty. El astanasy – Baǵdat qalasynda jarylǵyshtar salynǵan birneshe avtokólik jarylyp, ol 22 adamnyń ólimine jáne ondaǵan adamnyń jaraqat alýyna soqtyrdy.
Lańkestik áreketter, sondaı-aq, Irak astanasynyń tóńiregindegi Sadr jáne Zaafaranııa aýdandarynda oryn alǵan. Buǵan qosa, Baǵdattyń soltústiginde motosıkl mingen jankeshti ózin polısııa patrýli janynda jaryp jibergen. Eki polısııa qyzmetkeri qaza tapqan. Kırkýk qalasyndaǵy úkimet ǵımaratynyń janynda jasalǵan jarylys saldarynan 10 adam o dúnıege attanǵan. Mosýlde avtomagıstral ústinde jasalǵan jarylystan bir polısııa qyzmetkeri qurban bolǵan.
Túrik premeriniń Amerıkaǵa sapary
Túrkııa premer-mınıstri Taıyp Erdoǵannyń Amerıka Qurama Shtattaryna sapary máresine jetti. Sapardyń basty maqsaty eki el arasyndaǵy qarym-qatynasqa sony serpin qosý, sondaı-aq, Sırııadaǵy jaǵdaı týraly pikir almasý bolǵan edi.
AQSh prezıdenti Barak Obama men Taıyp Erdoǵan arasyndaǵy kelissóz barysynda ekijaqty qarym-qatynastardy belsendi ete túsý máselesine basa nazar aýdaryldy. Onyń qorytyndysyna taraptar ózderiniń qanaǵat sezimin bildirdi. Taraptardyń Sırııadaǵy jaǵdaıǵa qatysty ustanymdary da uqsas ekeni aıqyn kórindi. AQSh pen Túrkııa basshylyǵynyń pikirlerinshe, Sırııa prezıdenti Bashar Asad «qyzyl syzyqtan» ótip ketkeli biraz ýaqyt bolǵan. Sondyqtan bul rejimge tyıym salý kerek.
О́zbekstandyqqa kúdik keltirildi
О́zbekstannyń týmasy Fazlıddın Qurbanov AQSh-tyń Aıdaho shtatyndaǵy Boıse qalasynda lańkestikke qatysy bar degen kúdikpen qamaýǵa alyndy. Oǵan lańkesterge materıaldyq kómek kórsetti degen kúdik keltirilip otyr. Endi ol sot aldynda jaýap beretin bolady.
Sottyń Qurbanovqa qatysty qandaı jazalaý sharasyn qoldanatyny ázirge belgisiz. Sondaı-aq, onyń qandaı jaǵdaıda ustalǵany, AQSh-qa qandaı maqsatpen kelgeni týraly da naqty málimet joq. Syrt qulaqqa keń taraı qoımaǵan bir málimetke qaraǵanda, Qurbanov Aýǵanstan men Pákstandaǵy terrorlyq uıymdar úshin jańa jankeshtiler izdeýmen aınalysqan sekildi. О́tken jyldyń shilde aıynda AQSh soty taǵy bir О́zbekstan azamaty Ulyqbek Kodırovty B.Obamaǵa qastandyq uıymdastyrmaq boldy degen aıyppen 15 jyl 8 aıǵa bas bostandyǵynan aıyrǵany belgili.
Qasirettiń on jyldyǵyna arnalǵan sherý
Marokkonyń Kasablanka qalasynda osydan týra on jyl buryn lańkestik uıymdastyrylǵan bolatyn. Qalanyń úsh jerinde jasalǵan jarylystar saldarynan sol kezde 45 adam kóz jumǵan edi. Qasiretti oqıǵaǵa baılanysty keshe qala halqy sherýge shyqty.
Osy arada atap kórsetetin bir jaıt – qanquıly áreket júzege asyrylǵaly beri on jyl ótse de kinálilerdiń kimder ekeni áli kúnge belgisiz kúıinde qalyp keledi. Áýelde kóptegen ıslamshylar jappaı qamaýǵa alynǵandarymen, naqty dáleldiń joqtyǵynan da bolar, Marokko koroliniń jarlyǵymen túgeldeı bostandyqqa shyǵarylǵan edi. Biraq halyq júregine salynǵan jara jazyla qoıar emes. Keshegi sherýdi osymen túsindirgen jón bolar.
Qysqa qaıyryp aıtqanda:
Nıgerııa armııasy ıslamshylarǵa qarsy operasııa bastamaq. Osy maqsatta ásker bólimsheleri eldiń «Boko haram» toby ıslamshylarynyń baqylaýyndaǵy soltústik shtattaryna jetkizilip jatyr.
AQSh-tyń Tehas shtatynda júrip ótken qatty daýyl men tornado saldarynan alty adam qaza tapty. Eı-bı-sı telearnasy taratqan málimetterge qaraǵanda, júzden astam adam jaraqat alǵan. Daýyl 80 turǵyn úıdi qıratyp ketse, elektr jelileri de úzilgen.
Meksıkada sońǵy tórt jylda 1200-den astam túrli memlekettik qyzmetkerler, olardyń ishinde 34 qala merleri óltirilgen. Shamamen 2007 jyldan beri tutastaı alǵanda elde 70 myńnan astam adam kisi qolynan kóz jumǵan.
Iаkýtııadaǵy tasqynnan respýblıkanyń 4 aýdanyndaǵy 10 eldi meken sý astynda qaldy. Qazirgi kezde 1724 adam, onyń ishinde 422 bala bar, turyp jatqan 481 úıdi topan sý alǵan. Kúni keshege deıin TJM qyzmetkerlerine azamattardan qutqarý týraly 500 ótinish túsken.
Internet materıaldary negizinde ázirlendi.
