Baspanaǵa asa muqtaj jandarǵa qoldaý kórsetiledi

Onyń basty ereksheligi qandaı? Birinshiden, jańa kóz­­qaras jaǵdaıynda óńirdegi bas­­panaǵa asa muqtaj otbasylar men jandar úshin alǵashqy jar­nalaryn tóleýdiń tıimdi joldary izdestirilýde. Bul bir­ teńgesin eki ete al­maı júrgen­der úshin úlken kómek ekeni anyq.

Sońǵy ýaqyttary oblys ortaly­ǵynda turǵyndar úshin jaldamaly úıler qurylysy qyzý qarqyn alyp keledi. Mun­daı sanattaǵy baspanaǵa ıe bolǵandar azyn-aýlaq aqshasyn páter ıesine bermeı, bolashaqta ózderine tıesili mekenjaı úshin jumsaıdy. Baǵdarlamanyń tıim­diligi de osynda. Sondaı-aq óńirde qaıyrymy mol,­ ta­by­sy joǵary azamattar men ­kom­­­­panııalardyń kóbeıip kele jat­qany da baspanaǵa muq­taj otbasylar sanyn kemite túsýde. Olar shapaǵatyn ne­gi­zinen kóp balaly, tolyq emes, múmkindigi shekteýli jan­­­da­ry bar otbasylarǵa ar­­­­­nal­ǵan «Baqytty otbasy» baǵdar­­­­lamasy sheńberine kire­tinderge tı­gizýde.

Bul iste oblys ortaly­ǵyn­daǵy «Qol­ǵanat-Aqtó­be» qo­ǵamdyq qory­nyń qaıy­rym­dy­lyq sharalary aýyz­ǵa birinshi ili­gedi. Atap aıt­qanda, olar bıyl «Baqytty otbasy» áleýmettik tur­ǵyn úı baǵdarlamasy boıynsha tizimde turǵan 37 otbasynyń bastapqy jarnasyn tólepti. Qordyń tóraıymy Altynaı Muqanovanyń aıtýynsha, bul maqsatqa kásiporyndar esebinen 22,7 mıllıon teńge bólingen. Qoǵamdyq qurylymdaǵy qarjy kózderi kásip­oryndar men qa­ıyrymy mol jan­dardyń kó­megi esebinen tolyǵyp otyrady. Mysaly, bıyl esimi el­ge eleýli azamat Marat Ite­ǵulov oǵan 20 mıllıon teńge kó­leminde qarajat aýdarsa, budan «Bereket» JShS jetek­shileri de qalyspapty. Mundaı mysaldar jetkilikti.

Tutastaı alǵanda, bıyl ob­lys­ta baqytty otbasy baǵ­dar­lamasy aıa­­synda 1600 páter paı­dalanýǵa beril­mek. 2019 jyldyń basynda oblys or­ta­lyǵynda halyqtyń áleýmettik jaǵynan az qam­tylǵan tobyn turǵyn úımen qamtý úshin arnaıy jumys toby quryldy. Olar osy ýaqyt aralyǵynda 6 myńnan astam turǵyndy qabyldaǵan eken. Sonyń ishinde baspanaǵa asa muq­taj otbasylar anyqtalyp, olar­dyń ótinishteri oń sheshimin taýypty.

Qazirgi qolda bar derekter oblys boıynsha 30 myń, sonyń ishinde Aqtóbe qalasy boıyn­sha 23 myńnan astam adam baspana kezeginde turǵanyn kórsetedi. Sondaı-aq 173 myń adam jer telimi kezeginde bolyp shyqty. Olardyń bárin bir sátte turǵyn úımen qamtý esh múmkin emes. Bul is satyly túrde júrgiziledi. Baspana berý jó­nindegi basymdyq bi­rinshi kezekte ata-anasynyń qam­­qorlyǵynsyz qal­­ǵandar men bıýdjet salasy qyzmet­ker­lerine, kóp balaly otbasylar men úı­leri apatty jaǵdaıda tur­ǵan aza­mattarǵa beriledi, – deı­di Aq­tóbe qalasynyń ákimi Ilııas Espanov.

О́ńirde baspana alýǵa tilek bildirý­shiler sanynyń jyldan jylǵa ósýi paı­dalanýǵa beriletin turǵyn úı kóle­min ulǵaıtýǵa sebepshi bolǵany da basy ashyq másele. Mysaly, ótken jyly oblysta 850 myń sharshy metr turǵyn úı paıdalanýǵa berilse, bıyl keminde 1 mıllıon sharshy metr turǵyn úı turǵyzylmaq. Bul – keminde 8700 páter degen sóz. Munyń birqataryn tabysy joǵary turǵyndar óz qarajattaryna satyp alsa, qaı­sybiri memleket belgilegen túr­li sanattaǵy kategorııalar tıisti jeńildikter boıynsha berilmek. Bul jóninde Aq­tóbe oblysynyń ákimi Ońda­syn Orazalın bylaı dedi:

– Baspana kezeginde turǵan óńir turǵyndaryn turǵyn úımen qam­tý – bizdiń qyzmetimizdiń bas­ty ba­ǵyttarynyń biri. Osy oraıda oblysta «Baqytty otbasy» baǵdar­lamasynyń oı­daǵydaı iske asýyna basa nazar aýdaryp otyrmyz. Onyń talaptary baspanaǵa asa muqtaj qarapaıym turǵyndar úshin óte tıimdi. О́ıtkeni mólsherlemesi jylyna 2 paıyzdan aspaıdy.

– Buǵan deıin jatyn ból­­meden bólek, tamaq ázirlep ishetin as úıi men jýynatyn orny bar derbes páterim bolsa eken dep armandap keldim. Taıaýda osy armanym oryndal­dy. «Ba­qytty otbasy» baǵ­dar­lamasynyń arqasynda bala­myz ekeýmiz sándi de sapaly sý jańa páterge qol jetkizdik. Bul úshin atqa­rýshy bılik ókilderi men «Qol­ǵanat-Aqtóbe» qoǵamdyq qory­nyń jetekshilerine aıtar alǵy­sym sheksiz.

Sondaı-aq osy arada Aqtóbe qalasyndaǵy «SentrGrýpp» qurylys kompanııasy» JShS-niń dırektory Murat Bal­ǵazın­niń qoldaýyna sáıkes aýmaǵy at shaptyrym tórt ból­­meli úıdiń kiltin alǵan on balanyń ákesi Qonysbaı Ham­zınniń jú­rekjardy lebizin jalǵaı ketkendi jón kóremiz. «Bul – memleketimiz ben janashyr aza­mattardyń biz sekildi kóp balaly muqtaj otbasylarǵa degen shynaıy qamqorlyǵynyń kórinisi», deıdi ol.

Mine, osylaısha Aqtóbe aımaǵynda baspanaǵa asa muq­taj otbasylardyń qonys toılary odan ári jalǵasa bermek.

AQTО́BE

 Sýrette: baspanaǵa muqtaj jandar osyndaı sándi de sapaly salynǵan úıge qonys tepti.