Ortalyq partııa apparatynyń Partııalyq baqylaý qyzmetiniń ókilderi Dáýren Bıjýmanov jáne Nurlan Baımurzaev qurylys barysymen tanysyp, bólingen qarajattyń naqty jumsalýyn tekserdi. 2020 jyly aıaqtalyp, qaterli dertti jeńýge kómektesedi degen ǵımarattyń qurylysy búginde qarqyndy júrip jatyr, 4 qabatty ǵımarattyń ishki árleý jumystary bastalyp ketken eken.
Joǵaryda kórsetilgendeı Aqmola oblysynda onkoaýrýlar kórsetkishi jyl saıyn arta túsýde. Máselen 2014 jyly onkologııalyq aýrýlardyń elektrondy regıstrinde 8036 adam tirkelse, bıylǵy jyldyń basynda ol 8888 adamǵa jetip otyr. Onkodıspanserde qabyldaýdy 5 maman júrgizetinine qaramastan dárigerdiń qabyldaýyna kirý úshin pasıentterge saǵattap kezek kútýge týra keledi. Bul emdelýshilerge de, medısına qyzmetkerlerine de úlken yńǵaısyzdyq týǵyzyp otyr. «Sondyqtan, qaterli isik aýrýyn anyqtaıtyn skrınıngtik tekserýler júrgizý úshin qosymsha emhana qajet Ári oblystyń túkpir-túkpirinen kelgen naýqastar dıspanserdiń tar kabınetterinde saǵattap kezek kútige májbúr», deıdi kókshetaýlyq mamandar.
Onkologııalyq naýqastarǵa kómek berý maqsatynda 2018 jyly respýblıkalyq bıýdjetten 2 mlrd.teńge qarjy bólinip, táýligine 150 adamdy bir mezette qabyldaýǵa múmkindik beretin emhananyń qurylysy bastalyp qana qoımaı, onyń qarqyndy salynýy kóńilderine úmit uıalatqan Aqmola oblystyq densaýlyq basqarmasynyń mamandary 4 qabattan turatyn dıspanser jańa medısınalyq qural-jabdyqpen qamtamasyz etiledi dep esep berdi.
Partııanyń ortalyq apparaty partııalyq baqylaý qyzmeti qurylys nysanyna oń baǵasyn berip, bul óz kezeginde skrınıngtik tekserý arqyly qaterli isiktiń aldyn alýǵa múmkindik beretindigin jetkizdi. Sonymen qatar medısına qurylǵylary men kadrlarmen qamtamasyz etý máselesi sóz boldy.
