Qazaqstan • 18 Maýsym, 2019

AQSh jáne Qazaqstannyń atom energetıkasy salasyndaǵy áriptestigine 25 jyl toldy

180 ret kórsetildi

AQSh-tyń Qazaqstandaǵy tótenshe jáne ókiletti elshisi Ýılıam H. Mozer osydan biraz buryn Kýrchatov qalasyndaǵy QR Ulttyq Iаdrolyq Ortalyǵynyń nysandaryna baryp qaıtqan edi.

Kýrchatov qalasyna jumys saparynyń birinshi kúni AQSh Elshisi Ýılıam H. Mozer «Baıkal-1» zertteý reaktorlary  kesheninde boldy. Atom energetıkasyn damytý salasyndaǵy jáne ıadrolyq qarýdy taratpaý máselelerin sheshýdegi qazaqstandyq-amerıkalyq yntymaqtastyq sheńberindegi jobalardy júzege asyrý barysymen tanysty.   

Atap aıtqanda, BN-350 reaktorynyń paıdalanylǵan ıadrolyq otynyn tasymaldaý jáne saqtaý jónindegi biregeı jobany iske asyrý, obektilerdiń fızıkalyq qaýipsizdigin qamtamasyz etý nátıjeleri týraly da áńgime qozǵaldy. Sondaı-aq zertteý reaktorlaryn tómen baıytylǵan otynǵa konversııalaý boıynsha aǵymdaǵy jumystarmen tanysty.

Budan keıin dóńgelek ústel otyrysynda AQSh Elshisi Ýılıam H. Mozer AQSh jáne Qazaqstan uıymdarynyń atom energetıkasyn damytý jáne taratpaý máselelerin sheshý salasyndaǵy 25 jyldyq qyzmetiniń nátıjelerine joǵary baǵa berse, Ulttyq Iаdrolyq Ortalyqtyń Bas dırktory Erlan Batyrbekov yntymaqtastyqtyń aldaǵy ýaqytta da jalǵasatynyna senimdilik bildirdi. Sondaı-aq synaq polıgonynda ornalasqan «Tájirıbe alańy» men «Degeleń» alańdaryna jumys sapary ótti.  

Raýshan NUǴMANBEKOVA,


KÝRChATOV

 


Sońǵy jańalyqtar

«Ýkaznoı molda»: Ol kim?

Rýhanııat • Keshe

Qylań

Tanym • Keshe

Veterınarlar qartaıyp barady

Qazaqstan • Keshe

Uqsas jańalyqtar