Prezıdentimiz Qasym-Jomart Toqaev óziniń platformalyq baǵdarlamasynda sabaqtastyq, ádildik jáne órleý degen baǵytty atap ótti. Jeke basym, osy saıası baǵytty qos qoldap qoldaımyn jáne sol baǵyttaǵy josparlanǵan jumystardyń tolyqqandy oryndalatynyna, is júzinde nátıje beretinine senim artamyn.
Búgingi kúnniń basty máselesi árıne, qazaqstandyqtardyń áleýmettik máselesi. Prezıdentimiz atap ótkendeı, dárigerler men ustazdardyń abyroıyn asqaqtatyp, jaǵdaıyn jaqsartý qajet. Iá, salamatty ómir úshin bilikti dáriger, al saýatty urpaq tárbıeleý úshin ulaǵatty ustaz kerek ekeni anyq. Sondyqtan osy máselelerdiń sheshim tabýy eshqashan ózektiligin joǵaltpaıdy. Bul – bizdiń jarqyn bolashaǵymyzdyń kepili.
Oǵan qosa Qasym-Jomart Kemelulynyń júrip ótken ómir joly, saıası joldaǵy tájirıbesi, bilimi men biliktiligi ishtegi senimdi odan ári kúsheıte tústi. Aıta ketetin jaıt, Prezıdentimizdiń álemdegi yqpaldy uıym basshylarymen bolǵan kezdesýleri jáne sońǵy atqarylyp jatqan jumystar onyń álemdik arenadaǵy bedelin aıqyn kórsetip berdi. Bul biz úshin maqtanysh.
Nurǵısa DÁÝEShOV,
Qurmanǵazy atyndaǵy Qazaq memlekettik akademııalyq halyq aspaptar orkestriniń dırektory, Qazaqstannyń eńbek sińirgen qaıratkeri
