Qazaqparat
«Otanymyz – Máńgilik eldiń bedelin arttyra berý – Senderge artylǵan zor úmit. Sondyqtan, Jastarymyz ulttyq qundylyqtarymyzǵa adal bolyp, Qazaqstannyń jetistikterin eseleı beredi dep men kámil senemin», dedi Qasym-Jomart Toqaev.
Prezıdent jaqsy dástúrge aınalǵan «Aıbyn» áskerı-patrıottyq jıyny – otanshyl jastardy adal qyzmet etýge, El qorǵany bolýǵa tárbıeleıtin dál osyndaı biregeı alań ekenine toqtaldy.
«Áskerı-patrıottyq qozǵalystyń basty maqsaty – О́zderińiz sııaqty jalyndy jastardyń basyn qosyp, el damýyna qajetti mańyzdy jumystarǵa belsene aralastyrý, kúsh jumyldyrý. Otan úshin aıanbaı eńbek etý – barshamyzǵa ortaq maqsat», dedi Memleket basshysy.
Sondaı-aq Qasym-Jomart Toqaev jastardyń basty baǵdaryna aınalýy tıis qundylyqtardy atap ótti.
«Jasampazdyq, beıbitshilik pen kelisim, halqymyzdyń birligi, Otanǵa degen súıispenshilik jáne bárimizge ortaq taǵdyr joly – bizdiń halqymyzdy biriktiretin qundylyqtar. Bul qundylyqtar – jastardyń basty baǵdaryna aınalýy tıis», deı kele Prezıdent respýblıkalyq áskerı-patrıottyq jastar jıynyn Ashyq dep jarııalady.
