20 Maýsym, 2019

«Egemen Qazaqstan» redaksııasynda ashyq rektorat ótti

381 ret kórsetildi

«Egemen Qazaqstan» gazetiniń redaksııasynda L.N.Gýmılev atyndaǵy Eýrazııa Ulttyq ýnıversıtetiniń rektorat jınalysy ótti. «Ashyq rektorat» formatyndaǵy jıynǵa ýnıversıtet prorektory Dıhan Qamzabekuly, «Egemen Qazaqstan» respýblıkalyq gazeti» AQ Basqarma tóraǵasy Darhan Qydyráli, ýnıversıtettegi fakýltet dekandary, ǵalymdar men redaksııa qyzmetkerleri qatysty.

Jıynda Dıhan Qamzabekuly bul sharanyń maman daıarlaýshylar men jumys berýshiler arasyndaǵy baılanysty nyǵaıtýǵa orasan zor septigin tıgizetindigin atap ótip, gazettiń 100 jyldyq mereıtoıymen quttyqtady. О́z kezeginde basylym basshysy redaksııa quramynyń jasarǵanyn, qyzmetkerlerdiń ortasha jasy 31 ekendigin, basylymda L.Gýmılev atyndaǵy Eýrazııa Ulttyq ýnıversıtetin bitirgen kóptegen mamandar qyzmet etip jatqanyn, redaksııaǵa atalǵan oqý ornynyń stýdentteri óndiristik tájirıbeden ótý úshin kóptep keletinin atap ótti. Sonymen qatar, basylymynǵ ǵasyrlyq mereıtoıyna baılanysty túrli sharalar uıymdastyrylyp jatqanyn, aldaǵy ýaqytta L.N.Gýmılev atyndaǵy Eýrazııa ulttyq ýnıversıtetimen birlesip ǵylymı konferensııa ótkizý josparlanǵanyn aıtty.

Al, fılologııa ǵylymdarynyń doktory, professor Namazaly Omashev «Egemen Qazaqstan» gazetiniń el tarıhyndaǵy rólin aıyryqsha atap ótip, jaqynda ǵana jaryq kórgen «Júz jyldyq jylnama» atty jınaqtyń  mańyzdylyǵyna toqtaldy. Bul jınaq 1919 jyldan 1976 jylǵa deıingi aralyqta basylymda jaryq kórgen materıaldardan quralǵan bolatyn. О́z kezeginde Tarıh fakýltetiniń dekany Tilegen Sadyqov atalǵan jınaqtyń zertteýshiler úshin baǵaly derek kózi bolatynyn aıtty.

Jıyn Jýrnalıstıka jáne saıasattaný fakýltetiniń qyzmeti men josparlaryna arnaldy. Fakýltet dekany Qaırat Saq qazirgi tańda jýrnalıster men PR mamandaryn daıarlaýdyń ózekti máselelerine, saladaǵy trendterge, fakýltettegi jańa bastamalarǵa toqtaldy. Oqytýshylar naqty salalarǵa mamandanǵan jýrnalıster daıarlaý baǵytynda atqarylyp jatqan jumystardy da tilge tıek etti. Atap aıtqanda fakýltette sport jýrnalısterin, áskerı jýrnalısterdi daıarlaý máselesine kóńil bólinipti. Sonymen qatar, ınternet jýrnalıstıka máselesine de aıyryqsha nazar aýdarylǵan.

Sońǵy jańalyqtar

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Aýdandy 100 paıyz gazben qamtý mindeti tur

Aımaqtar • 22 Qańtar, 2021

Uqsas jańalyqtar