О́z alańynda «Ordabasy» komandasyn qabyldaǵan «atyraýlyqtardy» oblys ákimi bastaǵan jankúıerleri qoldap keldi.
-Fýtbolshylar jaqsy oıyn órnegin kórsetti, - dedi aımaq basshysy Nurlan Noǵaev. – Komandamyzdyń fınalǵa joldama alǵany qýantty. «Munaıshy» stadıonyn qaıta jańǵyrtý jumystaryna atsalysqan barlyq demeýshilerge alǵys aıtamyz. Solardyń arqasynda Atyraýǵa úlken fýtbol keldi. Aldaǵy ýaqytta da sportshylarymyzdyń jeńis tuǵyrynan kórinýlerine tilek bildiremiz.
Oıyn qortyndysynda «Atyraý» men «Ordabasy» komandalary 0:0 esebimen teń tústi. Shymkentte ótken alǵashqy oıynda esep 1:1 bolǵan edi. Syrt alańda soǵylǵan gol atyraýlyq komandaǵa kelesi kezeńge shyǵýǵa múmkindik berdi.
ATYRAÝ
