Arsyzdar áshkerelene bermek
Senbi, 12 qańtar 2013 7:52
Jemqorlardyń arasynda ustalyp, qaqpanǵa túsip jatqandary da bar. Biraq olardyń naǵyz ozbyrlary «Kóp urlasań – qalqan, az urlasań – qaqpan» qaǵıdasyn ustanady. Neǵurlym kóp asaǵandar jazataıym ustalyp jatsa, urlaǵan mol dúnıesiniń jartysyn bolsa da berip, qutylatyny anyq. Az urlaǵan ustalsa ne ózine, ne paraǵa jetkize almaıdy. Al urlyqtyń aty urlyq, zań boıynsha ol da qylmys.
Senbi, 12 qańtar 2013 7:52
Jemqorlardyń arasynda ustalyp, qaqpanǵa túsip jatqandary da bar. Biraq olardyń naǵyz ozbyrlary «Kóp urlasań – qalqan, az urlasań – qaqpan» qaǵıdasyn ustanady. Neǵurlym kóp asaǵandar jazataıym ustalyp jatsa, urlaǵan mol dúnıesiniń jartysyn bolsa da berip, qutylatyny anyq. Az urlaǵan ustalsa ne ózine, ne paraǵa jetkize almaıdy. Al urlyqtyń aty urlyq, zań boıynsha ol da qylmys. Sondyqtan mıllıondap qarjyny qaltasyna basty ma, álde tyshqaq laqty alyp qashyp ustaldy ma, zań úshin báribir. Sottalady da ketedi. Mine sondyqtan da bizdiń jemqorlar neǵurlym kóp asaýǵa umtylady. Al bireýler olardy sógedi: nege jemsaýlary sógilmeıdi dep. Eger bular bolmasa olarǵa dem berip júrgender qaıtip tynysh jatpaq. Durysy solardy baptaý arqyly qadaǵalap júrgender qalaı baıymaq? Máselen, Soltústik Qazaqstan oblysynda kásipkerlik jáne óndiris basqarmasynyń burynǵy bastyǵy, jobalyq-smetalyq qujattamany bekitý úshin bólimniń bastyǵyna beremin dep JShS dırektorynan 4 mln.teńge alǵan. Árıne, ol ustaldy, sottaldy. Shyǵys Qazaqstan oblysynda Kýrchatov qalasy Ádilet basqarmasynyń burynǵy bastyǵy alaıaqtyq jolmen JShS ókilinen jalpy qamqorlyq úshin jáne Kýrchatov qalasynyń Turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimimen eski úıdi buzý kelisim-shartyna otyrýǵa kómektesý úshin 20 myń 500 AQSh dollary men 254 myń teńge para alǵan.
Ońtústik Qazaqstan oblysynda aýdannyń burynǵy ákimi jáne aýyldyq okrýginiń ákimi aýyl sharýashylyǵyn damytýdyń aımaqtyq baǵdarlamasy sheńberinde dúken men jylyjaı salýǵa jer telimin bergenderi úshin kásipkerden jalpy sommasy 7 myń AQSh dollary kóleminde para alǵan. Pavlodar oblysynda Ekibastuz qalasynyń Áleýmettik baǵdarlamalar jáne halyqty jumyspen qamtý bóliminiń burynǵy bastyǵy men osy bólimniń sektor meńgerýshisi JShS-ne bıýdjet qarajaty esebinen áleýmettik jumys oryndaryna jumyssyz adamdardy jibergeni úshin atalǵan kásiporyn basshysynan bopsalaý jolymen birneshe myń teńge para alǵan. Almaty qalasynda áskerı bólim komandıriniń quqyqtyq jumys boıynsha kómekshisi áskerı qyzmetkerlerge arnalǵan páterlerdi tapsyrýdy keshiktirgeni úshin aıyppul salmaý jáne fırmany teris pıǵyldy merdigerler tizimine qospaý úshin JShS dırektorynan 20 myń AQSh dollaryn talap etken. Almaty oblysy boıynsha Qarjylyq baqylaý ınspeksııasynyń burynǵy bas mamany JShS dırektorynan 8 myń AQSh dollary somasynda para alǵan.
Bulardyń bárin anyqtap jatqan Qarjy polısııasy ekendigi sózsiz. Árıne, olardyń isinde de zańsyzdyq bar, joq dep aıtý qıyn. Degenmen, Qarjy polısııasy qyzmetkerleriniń shaǵyn jáne orta bıznes qyzmetine negizsiz aralasýynyń árbir jaǵdaıy tótenshe oqıǵa retinde qarastyrylatyny belgili. О́tken jyly qarjy polısııasy organdarynyń ishki qaýipsizdik bólimshelerimen qarjy polısııasy qyzmetkerleriniń kásipkerlikke zańsyz aralasýdyń 18 deregi anyqtaldy. Qyzmettik tekserýlerdiń qorytyndysymen ákimshilik jaýapkershilikke 49 qyzmetker tartyldy, onyń ishinde 15 basshylyq laýazymdaǵylar, olardyń 5-ýi laýazymdarynan bosatyldy. Osyndaı júgensizdikter boıynsha birneshe qylmystyq is qozǵaldy. Mysaly, Batys Qazaqstan oblysy boıynsha departamenttiń tergeýshisi sottaldy. Ol JShS-niń burynǵy quryltaıshysynan oǵan qatysty qylmystyq isti qysqartý úshin kólemdi para bopsalaǵan. Mundaılar az emes. Áıtsede Qarjy polısııasynyń qatary attestattaý arqyly birshama tazaryp qalǵany baıqalady. О́ıtkeni, qarjy polısııasy qyzmetkeri úshin minsiz bedel men joǵary adamgershilik negizi óte mańyzdy. Sondyqtan bul vedomstvonyń kadrlyq quramy aıtarlyqtaı jańartyldy jáne qazir qarjy polısııasynyń qatarynda elimizdiń ekonomıkalyq múddelerin qorǵaý boıynsha óz mindetterin adal oryndaýǵa daıyn mamandar qaldy dep senimmen aıta alatyn bolsaq, joǵarydaǵy aıtylǵandaı, áli mıyǵynan mysqyldaı kúlip júrgen sybaılasqan jemqorlardyń batar kúni taıap qaldy dep te ábden senim artýǵa bolady.
Aleksandr TASBOLATOV,
«Egemen Qazaqstan».
