Áleýetimiz ben múmkindigimiz jetedi

Qyzylorda oblysynyń ákimi, ob­lys­­tyq Nur Otan partııasy fılıa­lynyń tóraǵasy Qyrymbek Kósher­baev­tyń tóraǵalyǵymen ótken jıynda Mem­leket basshysynyń saılaýaldy baǵ­dar­lamasynan týyndaıtyn mindet­ter­di júzege asyrýda partııa aldyndaǵy negizgi jumystar talqyǵa salyndy.

Jıynǵa tóraǵalyq etken oblys ákimi aldymen Prezıdent saılaýyn­da qyzylor­da­lyqtardyń 81,6 paıy­zy saılaýǵa qatysyp, 75,3 paıyzy Prezı­dent Qasym-Jomart Kemeluly Toqaevty qoldap daýys bergendigin aıt­ty. «Bul – aýyzbirshiligi men yntymaǵynan aınymaǵan Syr halqy­nyń eldiń bolashaǵy úshin Tuńǵysh Prezıdent – Elbasynyń sarab­dal saıasatyn jalǵastyrýshy Qasym-Jomart Kemelulyna artqan zor senimi», dedi Q. Kósherbaev.

Jıyn barysynda partııanyń oblys­tyq fılıaly tóraǵasynyń birinshi oryn­­basary Aqmaral Álnazarova atqa­ryl­ǵan jumystarmen qatar saılaý naý­qa­­ny barysyndaǵy erekshelikterge de toqtalyp ótti.

Sondaı-aq ol Virge aksııasy aıasynda óńirde 32 myńnan astam anketa jınaqtalǵandyǵyn aıtty. Olardyń 27591-i kandıdatty qoldaý hattary bolsa, 4500-i usynystar men problemalyq máseleler eken.

– Taldaý nátıjesi kórsetkendeı usy­nys­tardyń 15,7%-y áleýmettik kepil­dik­terdi qamtamasyz etý, 9,4%-y bilim, 7,0%-y turǵyn úı jáne turǵyn úı-kom­mý­naldyq sharýashylyǵy jáne 5,1%-y  densaýlyq saqtaý júıesine qatysty. О́ńirlik deńgeıde jedel áreket etýdi talap etkenderi saılaý naýqany barysynda tıisti mekemelermen sheshildi. Al strategııalyq aımaqtyq jáne res­pýb­lı­kalyq paket máseleleri saraptalyp tıisti organdarǵa joldanady, – dedi A.Álnazarova.

Syr óńi­ri Elbasynyń «Rýhanı jańǵyrý» baǵ­dar­la­masyna alǵashqy bolyp ún qosyp, óz aldyna ortalyq quryp, irgeli is bastaǵan oblystardyń qatarynda. Bul ba­ǵytta oblystyq partııa fılıaly saıa­sı keńesiniń múshesi, «Syr medıa» JShS dırektory Amanjol Ońǵarbaev óz usy­nys­taryn ortaǵa saldy.Onyń aıtýynsha ulttyq rýhty oıatý, jańǵyrtý úshin aldy­men ataqonys – aýyldyń rýhyn kóterý kerek.

Eldiń áleýmettik-ekonomıkalyq damý jolynda 10 baǵyttan turatyn Mem­leket basshysynyń tapsyrmasyn saıası keńes músheleri de bir aýyzdan qolda­dy. Ondaǵy árbir baǵytqa jeke-jeke toqtalyp, ony júzege asyrý baǵy­tyndaǵy usynystarymen bólisti.

Máselen, oblystyq partııa fılıaly saıası keńesiniń múshesi, oblystyq partııa fılıaly janyndaǵy sybaılas jemqorlyqqa qarsy is-qımyl jónindegi qoǵamdyq keńestiń tóraǵasy Naýryzbaı Baı­qadamov Prezıdenttiń saıası tuǵyr­na­ma­synyń negizgi baǵyt­tarynyń basynda qarastyrylǵan sybaılas jemqorlyqty joıý máselesine toqtaldy.

– Sybaılastyqpen kúres barsha­myz­ǵa mindet. Osy oraıda Prezıdent qyrkúıek aıyna deıin jemqorlyqty barynsha tómendetetin reformalar toptamasyn daıyndaýdy tapsyrdy. О́zine tikeleı baǵynatyn Sybaılas jemqor­lyqqa qarsy is-qımyl  agenttigin quryp, naqty sharalar qolǵa alynyp jatyr. Olardyń qatarynda baǵynyshtylary sybaılas jemqorlyqqa barǵan jaǵdaı­da birinshi basshylardyń ornynan túsý ınstıtýtyn iske asyrý tetigi qosy­la­tynyn aıtty. Bul bizdiń barly­ǵymyzdyń áýeli ózimiz úshin jaýap­ker­shi­likterimizdi arttyrýdy talap etedi, – dedi Naýryzbaı Baıqadamov.

– Birden aıta keteıin, Prezıdent tapsyrǵan bul mindetterdi júzege asy­rý­ǵa bizdiń áleýetimiz ben múmkin­di­gimiz jetedi jáne oǵan qajetti alǵy­shart­­ta­rymyz da bar.

О́zderińizge belgili, 2019 jylǵy 7 aqpanda Tuńǵysh Prezıdent – Elbasy Nursultan Ábishuly Nazarbaevtyń tóraǵalyǵymen ótken Qaýipsizdik keńe­si­niń qaraýyna óńirdiń birqatar ózekti problemalyq máselelerin usynǵan bolatynbyz. Keńes otyrysynyń nátıjesimen Qyzylorda oblysynyń áleýmettik-ekono­mıkalyq damýynyń keshendi jospary ázirlenip, Úkimet bul qaýlyny beki­tip, aımaqtyń damýyna kelesi 3 jyl­ǵa qosymsha 219 mlrd teńge qarjy bólindi.

Qashanda Syr eline kóńili erekshe Elbasy bul joly da halyqtyń talap-tilegine, bizdiń usynysymyzǵa óz qol­da­ýyn bildirdi, – degen oblys basshysy Qazaqstannyń Tuńǵysh Prezıdenti – Elbasy Nursultan Nazarbaevqa aımaqqa jasaǵan aıryqsha qamqorlyǵy úshin oblys jurtshylyǵy atynan shynaıy alǵys bildirdi jáne nátıjeli eńbekpen laıyqty jaýap beretindikterine sen­dir­di. Memleket basshysynyń 10 naqty baǵytynyń oblysta oryndalýyna múm­kin­dik bar ekendigin aıtty.

Mysaly, 2018-2020 jyldar oblys ákimdigi men máslıhat, Nur Otan partııasy fılıalymen, qoǵamdyq keńes jáne kásipkerler palatasymen birlesip «Kásipkerlikti qoldaýdyń 3 jyldyǵy» dep jarııalaǵan bolatyn.

Jappaı kásipkerlikti damytýǵa bıyl­ǵy jyly barlyq qarjylandyrý kózde­rinen 34 mlrd teńge qarjy bólinip otyr. Sonyń arqasynda jańa jumys oryndary ashylady. Salyqtyq baza damyp, jergilikti bıýdjet nyǵaıady, qoǵam­dyq-saıası turaqtylyq ornyǵady.

Saıası Keńes otyrysynda partııanyń oblystyq fılıalynyń tóraǵasy árbir usynysqa erekshe mán berip, tıisti organ basshylaryna jumysty jetildirý baǵytynda naqty tapsyrmalar berdi.

Memleket basshysynyń tapsyrmalary aımaqta osylaısha kezeń-kezeńimen oryndalyp jatyr.

Qyzylorda oblysy