Qoǵamnyń nazaryn pedagogıkalyq bilim berýdiń zamanaýı trendterine aýdarý, respýblıkadaǵy bilim berý mazmunyn jańartý mindetterine yqpal etetin jetekshi halyqaralyq ınnovasııalyq tehnologııalardy taratýǵa aýdarýdy maqsat etken forým jumysy QR Bilim jáne ǵylym mınıstrliginiń qoldaýymen Abaı atyndaǵy QazUPÝ, Qazaqstan, Qyrǵyzstan, Tájikstan, О́zbekstan, sondaı-aq IýNESKO klasterlik bıýrosy respýblkalyq bilim alıansy men «Dıalog aýdarmashylar odaǵy» QQ uıymdastyryldy.
Zamanaýı bilim berý máselelerin birlesip talqylaýǵa álemdik zertteý ortalyqtaryn tartýdy, Qazaqstandaǵy bilim berý mazmunyn jańartý mindetterine yqpal etetin pedagogıkalyq bilim berýdiń qazirgi zamanǵy trendterin damytýǵa járdemdesýdi, bilim berý sapasyn arttyrýǵa yqpal etetin qazirgi zamanǵy halyqaralyq bilim berý tehnologııalarymen jáne biregeı oqytý ádistemelerimen tájirıbe almasý jáne tanysýdy, kásibı-pedagogıkalyq qarym-qatynastyń jańa túrlerin damytýdy jáne de respýblıkada pedagogıkalyq bilim berý trendterin damytý boıynsha tıimdi sheshimder izdeý jáne usynystar ázirleý men ınnovasııalyq bilim berý tehnologııalary jáne oqytý ádisteri boıynsha Ulttyq saraptaý keńesin qurý máselelerin qozǵaǵan forým jqmysyn Abaı atyndaǵy QazUPÝ rektory Takır Balyqbaev ashyp, búgingi bilim keńistiginiń erekshelikterine toqtalyp ótti. «Biz áriptesterimizben aldaǵy ýaqyttarda da tyǵyz baılanysta bola otyryp, álem boıynsha bilim salasyndaǵy ınnovasııalardy ıgeremiz. Bilim júıesi qashan da ashyq bolýy tıis. Oqytý barysynda joǵary sapaly ádisterdi usyna otyryp, otandyq bilim júıesin joǵary satyǵa kóterýge yqpal etemiz» dep atap ótti. Ol óz sózinde «Dıalog aýdarmashylar odaǵy» QQ basshysy ári sharanyń demeýshisi Oleg Kımge arnaıy alǵysyn bildirdi. Forýmnyń ashylýynda sonymen qatar IýNESKO Almaty klasterdik bıýrosynyń bilim boıynsha ulttyq mamany Meırgúl Alpysbaeva sóz sóılep, álemdik bilim keńistigimen yqpaldastyq máselelerine toqtaldy.
Forým jumysyna bilim berý basqarmalarynyń, biliktilikti arttyrý júıesiniń basshylary men ókilderi, bilim berý uıymdarynyń oqytýshylary, kolledj jáne joǵary oqý oryndarynyń stýdentteri qatysýda.
ALMATY
