Jas ǵalymdar qatysqan dóńgelek ústel jumysynda ınstıtýt dırektorynyń orynbasary, fılosofııa ǵylymdarynyń doktory, professor Serik Nurmuratov Qazaqstandyq biregeıliktiń negizgi belgileri halyqtyq dástúr, ulttyq tárbıe, din tazalyǵy, ata-baba dinine degen qurmet, ult mádenıetindegi áleýmettik órisine qatysty máseleler, qoǵamda, otbasynda ulttyq qundylyqtardyń tegisteı saqtalýy, jastardyń jan-jaqty bilimdi bolýy, ǵylymnyń memleketke tıgizer paıdasy sekildi máselelerdi ortaǵa saldy.
Al ınstıtýttyń bas ǵylymı qyzmetkeri, fılosofııa ǵylymdarynyń doktory, professor Muhtar Izotov «Joǵary bilim men ǵylymnyń ıntegrasııasy týraly Qazaqstan Respýblıkasynyń Tuńǵysh Prezıdenti N.Á.Nazarbaev ıdeıalarynyń róli: álemdik tájirıbe jáne Qazaqstan» baıandamasynda joǵary bilim keńistigindegi, sondaı-aq otandyq ǵylymdy damytý máselelerindegi Elbasynyń róline toqtalyp, birqatar shetel tájirıbelerine toqtalyp ótti.
Al Elbasynyń ǵylym men bilim, sondaı-aq dinı biregeılikti qalyptastyrýdaǵy eńbekteri týraly ınstıtýttyń Dintaný bóliminiń aǵa ǵylymı qyzmetkeri, PhD doktor Almasbek Shaǵyrbaı «Qazaqstan qoǵamyndaǵy din salasyn úılesimdendirýdegi Elbasynyń róli» taqyrybyna qatysty baıandamasynda «Elbasy N.Á.Nazarbaevtyń «Qazaqstan-2050» «Strategııasy – qalyptasqan memlekettiń jańa saıası baǵyty» atty halyqqa Joldaýynda «Din máselelerinde oılastyrylǵan qadam jáne óte muqııattylyq qajet. Memleket dinı birlestikterdiń ishki isine aralaspaýǵa tıis. Biz uıat, toleranttylyq jáne tózimdilik erkindigi prınsıpterin qaster tutýymyz kerek», – dep atap ótken.
Elbasy N.Á.Nazarbaevtyń Astanada Álemdik jáne dástúrli dinder kóshbasshylary sezin ótkizý týrasyndaǵy ıdeıasyn dúnıejúzindegi jetekshi dinbasylary biraýyzdan qoldaǵanyn bilemiz. Dúnıejúzi Islam Lıgasynyń Bas hatshysy Abdalla Bın Ábdil Mýhsın sheıh At-Týrkı, Orys Pravoslav shirkeýiniń Patrıarhy Alekseı II, Rım Papasy Ioann Pavel II jáne Izraıldiń Bas ravvıni Iona Mesger Qazaqstan Prezıdentiniń bul baǵyttaǵy bastamasyna aıryqsha qoldaý kórsetýinen dúnıejúzi dinaralyq dıalogqa qanshalyqty sýsap otyrǵanyn baıqadyq. Álemdik dinbasylar Nursultan Nazarbaevtyń tyńnan túren salǵan ıgi bastamasy dúnıejúzindegi beıbitshilikti nyǵaıtyp, qoǵamdyq kelisimniń saltanat qurýyna áser etetin faktor dep senim bildirdi» deı kele birqatar statıstıkalyq málimetterdi ortaǵa saldy.
Al ınstıtýttyń Fılosofııa, saıasattaný jáne dintaný ınstıtýtynyń ǵylymı qyzmetkeri, doktorant PhD Gúlnar Núsipova «Qazaqstandyq biregeılikti qalyptastyrýdaǵy «Máńgilik El» ulttyq ıdeıasynyń mańyzy» baıandamasynda qazirgi táýelsiz Qazaqstannyń berik irgetasyn qalyptastyrýda halqymyzdyń ótken jolyna, basynan keshken tarıhı-áleýmettik jaǵdaılaryna mán berý, tilimizge, dástúrimizge, dinimizge, ulttyq mádenıetimizge qatysty máselelerdiń ýaqytyly óz sheshimin tabý barysynda Qazaqstannyń Birinshi prezıdenti Nursultan Nazarbaevtyń atqarǵan róli zor dep atap qtti. - 2014 jyldyń basynda Elbasy bolashaqqa nyq qadam basýda, táýelsiz Qazaqstannyń kózdegen zamanaýı maqsat-muraty artta qalǵan ǵasyrlar qundylyǵymen sabaqtasyp, jalǵasyp jatqan Eýrazııa túrkileriniń qara shańyraǵyn ustap otyrǵan murageri ekendigin resmı dáıekteı otyryp, HHI ǵasyrdaǵy Qazaqstannyń ulttyq ıdeıasy – «Máńgilik El» dep jarııalaýynyń ózi tarıhı tamyrlaryna qaıta oralý» dep atap kórsetti.
Instıtýttyń ǵylymı qyzmetkeri, PhD doktorant Nazken Abdykaımova «Qazaqstan Respýblıkasynyń bilim berý saıasaty qazaqstandyq biregeılikti qalyptastyrýdyń faktory retinde» taqyrybyna arnalǵan baıandamasynda otandyq bilim berý júıesiniń erekshelikterine toqtaldy.
Dóńgelek ústelde ǵalymdar qaýymynyń jáne osy salany zerttep júrgen mamandar elimizdegi turaqtylyq, qoǵamdyq kelisimniń qalyptasýy, qazaqstandyq biregeılik pen birlikti odan ári nyǵaıtý, Qazaqstannyń álemniń damyǵan ozyq elderi qataryna tabysty qosylýy úshin bolashaǵy birtutas ultty qalyptastyrý tujyrymdamasyn iske asyrýdyń joldaryna qatysty tushymdy pikirlerin ortaǵa saldy.
ALMATY
