Kórme maqsaty – kópshilik arasynda Shymkent qalasynyń ishki týrızmdi damytýdaǵy áleýetin jan-jaqty kórsete otyryp, qalada aldaǵy ýaqytta qolǵa alynǵaly otyrǵan jobalardy fotosýret tilimen jetkizý.
Halyqaralyq ekspedısııa quramynda qazaqstandyq arheolog, geograftar men jýrnalısterden bólek, Taıland elinen arnaıy shaqyrtylǵan 2 fotograf pen ár salada mashyqtanǵan qazaqstandyq fotosýret óneriniń mamandary da boldy.
«National Geographic Qazaqstan» jýrnalynyń 13 qyzmetkerinen quralǵan top músheleri mamyrdyń 20-sy men maýsymnyń 2-si aralyǵynda Shymkent qalasy men qala mańyndaǵy qyryqqa jýyq tarıhı-mádenı oryn men kıeli jerdi aralap shyǵyp, 1,5 myń shaqyrymdyq joldy júrip ótti. Olar qalanyń eski bóligindegi kóne ǵımarattar men Aqmeshit úńgiri, Saıram keseneler shoǵyry men Qasqasý shatqaly sekildi tabıǵaty ásem jerlerdiń tańǵajaıyp kórinisterin taspaǵa túsirip otyrdy.
– Shymkent qalasy qashanda kez kelgen salada bastamashy, elimizdegi oń ózgeristerdiń qozǵaýshysy bolyp kelgenin eshkim joqqa shyǵara qoımas. Búgingi kórme soǵan dálel. Bolashaqta bul qalada úlken serpilis bolatynyna senim artamyn, – dedi L.N.Gýmılev atyndaǵy Eýrazııa ulttyq ýnıversıtetiniń professory Ordenbek Mazbaev.
