Qala basshysynyń nazaryna usynǵan jobalardy konkýrsqa kelip túsken 50 jumystyń ishinen iriktep aldy.
Qala bıligi Qazaqstannyń halyq ártisi Shámshi músini Qazaqstan qonaq úıi men Respýblıka saraıynyń ortasyna, Balýan Sholaq bolsa Sport saraıynyń aldynan oryn beredi.
Sondaı-aq jyl aıaǵyna deıin Qyz-Jibek pen Tólegenniń qoladan quıylǵan músinderine oryn berý josparda bar. Eskertkish-músinderde qos ǵashyqty kınoda somdaǵan Merýert О́tekeshova men Quman Tastanbekovterdiń ómirdegi beınesimen somdalǵan. Qazir konkýrs komıssııasyna kelip túsken jobalar iriktelip jatyr.
Sondaı-aq Almatydaǵy Ortalyq mýzeıge kelgen qonaqtardy erte zamandarda kóshpendilik saltyn ustanǵan babalarymyzdyń qoladan quıǵan músinderi kútip alyp, shyǵaryp salatyn bolady.
Músinniń kompozııasııasynda geometrııalyq órnekter keńinen qoldanyp, petroglıfter tasqa qashalyp túsirilgen. Joba avtorlary , belgili sýretshiler Sanjar jáne Jánel Jubanovalar bizge bergen suhbatynda músinderdi daıyndaý kezinde taý shatqaldarynyń synyqtary qoldanylǵanyn aıtty. Basqasha aıtqanda jasandy emes, dala kórinisiniń kishkentaı bólshegi. «Bul tarıhyn qaǵazǵa emes, tasqa jazyp ketken ata –baba rýhymen syrlasyp qaıtýǵa berilgen múmkindik», –deıdi bolar bizben áńgimesinde.
Músinderdiń jobasymen tanysqan qala ákimi Baýyrjan Baıbek Ortalyq mýzeı aldyndaǵy sý burqaqty jańartýǵa jáne gazondardyń ornyna dala gúlderin otyrǵyzý týraly keńes berdi. Qazaq dalasynyń kishkentaı bólshegi babalar músinimen birge Almatyǵa qaıta oraldy. Eskerkishter qala bıýdjetinen emes, jeke ınvestorlardyń qarjysyna boı kóteredi.
Qala ákimi Baýyrjan Baıbek jýrnalıstermen kezdesken kezde 2019 jyldyń aıaǵy men 2020 jyldary qazaqtyń tarıhynan oryn alǵan qaıratkerlerdiń músinderi Almatydan oryn alatynyn aıtty. Osydan birneshe jyl buryn Imanǵalı Tasmaǵambetov Abdolla Qarsaqbaev pen Berdibek Soqpaqbaev tandemy túsirgen «Meniń atym –Qoja» kınosy keıipkerleriniń qola músinderi Astanaǵa ornatylatynyn aıtqan. Tasmaǵambetovtyń basqa jumysqa aýysýyna baılanysty bul usynys umyt qaldy.
Kúni keshe ǵana EO jáne London kórermenderiniń ystyq yqylasyna bólengen týyndyny somdaǵan keıipkerlerdiń músinderi Almatydaǵy saıabaqtardyń birinde ornatylsa degen bizdiń usynysty Almaty ákimi nazarǵa alady dep úmittenemiz.
ALMATY
