Qazaqstan Respýblıkasynyń Premer-Mınıstriniń birinshi orynbasary – qarjy mınıstri Álıxan Smaıylov Mınsk qalasynda (Belarýs Respýblıkasy) ótken Eýrazııalyq ekonomıkalyq komıssııa keńesiniń kezekti otyrysyna qatysty.
Otyrys barysynda Eýrazııalyq ekonomıkalyq odaqty odan ári damytýǵa qatysty birqatar mańyzdy máseleler qaraldy. EEK Keńesiniń músheleri EAEO kedendik zańnamasyn jetildirý, kedendik-tarıftik retteý, taýarlardy tańbalaý, EAEO úshinshi eldermen xalyqaralyq seriktestigi sekildi birqatar saýaldardy jiti talqylady.
Taraptar valıýtalyq quqyqtyq qatynastardy retteýge jáne lıberalızasııalaý sharalaryn qabyldaýǵa qatysty Kelisilgen tásilder týraly kelisim jobasyn talqylady. Osy Kelisimdi qabyldaý valıýta-qarjy salasyndaǵy yntymaqtastyqty odan ári damytý, syrtqy saýda jáne ınvestısııalyq operasııalarǵa qatysýshy memleketterdiń ulttyq valıýtalarynyń rólin arttyrý jónindegi jumysty jalǵastyrýǵa múmkindik beredi.
Sondaı-aq, TMD-nyń Ekonomıkalyq keńesiniń kezekti otyrysy shaǵyn quramda ótti, onda qatysýshylar qyzmetterdi erkin saýdalaý jónińdegi kelisimniń jobasyn daıyndaý máselesin sóz etti, munymen qosa Táýelsiz Memleketter Dostastyǵynda ekonomıkalyq yntymaqtastyqtyń ózekti máseleleri boıynsha pikir almasty.
