Jabdyqtar jańarǵan, jaǵdaı jasalǵan, endi talap ta kúsheıedi
Beısenbi, 14 aqpan 2013 7:45
Memleket basshysy Nursultan Nazarbaev «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda: «Biz quqyq qorǵaý organdary men arnaıy qyzmetterdiń reformasyn jalǵastyrýǵa tıispiz. Onsyz biz tártipsizdikke múldem tózbeýdi qalyptastyrý jáne jemqorlyqty túbirimen joıý jónindegi mindetterdi sheshe almaımyz. Sońǵy úsh jylda quqyq qorǵaý organdary men arnaıy qyzmetterdiń birqatar mańyzdy reformalary júrgizildi. Bul – memlekettikti nyǵaıtýdyń mańyzdy qadamy», dep qadap aıtqany belgili.
Beısenbi, 14 aqpan 2013 7:45
Memleket basshysy Nursultan Nazarbaev «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda: «Biz quqyq qorǵaý organdary men arnaıy qyzmetterdiń reformasyn jalǵastyrýǵa tıispiz. Onsyz biz tártipsizdikke múldem tózbeýdi qalyptastyrý jáne jemqorlyqty túbirimen joıý jónindegi mindetterdi sheshe almaımyz. Sońǵy úsh jylda quqyq qorǵaý organdary men arnaıy qyzmetterdiń birqatar mańyzdy reformalary júrgizildi. Bul – memlekettikti nyǵaıtýdyń mańyzdy qadamy», dep qadap aıtqany belgili. Osyǵan baılanysty quqyq qorǵaý organdary jumysynyń quqyqtyq bazasy jaqsartyldy. Olardyń atqaratyn ózindik fýnksııalary naqty aıqyndaldy. Qyzmettiń de qaıtalanýy joıyldy. Qylmysqa qatysty saıasat izgilendirildi. Sóıtip, tártip odan ári jaqsara tússin degen nıetpen barlyq quqyqtyq qurylymdardyń qyzmetkerleri túgeldeı attestattaýdan ótkizildi. 100 myńnan astam adamnan 12,5 myń adam attestattaýdan ótpeı qaldy jáne organdardan bosatyldy. Alaıda, osynshama ońaltý jumystary birinen soń biri júrgizilgenmen quqyq qorǵaý organdarynyń jumysynda oń nátıje az.
Sondyqtan da, Memleket basshysy Nursultan Nazarbaev quqyq qorǵaý organdarynyń ótken jylǵy jumysyn qorytyndylaǵan jáne «Qazaqstan-2050» Strategııasyn júzege asyrý mindetterine arnalǵan keńeste elimizdiń quqyq qorǵaý organdarynyń qyzmetin qatty synǵa aldy. Bas Prokýrordyń baıandamasyna saı sol kezde talaı bylyqtyń kózi ashylyp, keıbir saqshylardyń halyqtyń quqyn qorǵaýdaǵy shynaıy bet-perdesi sypyryldy. Sol keńeste olardyń tártibin tezge salý, jańasha jumys isteý kerektigi basa aıtyldy. Memleket basshysy quqyq qorǵaý júıesin jetildirý, quqyq tártibi men zańdylyqtardy bekitý boıynsha birqatar tapsyrmalar bergen bolatyn. Osyǵan oraı Elbasynyń quqyq qorǵaý organdarynyń basshylyq quramymen ótkizgen keńeste aıtylǵan naqty tapsyrmasyna sáıkes keshe Premer-Mınıstr Serik Ahmetov Ishki ister mınıstrligine kelip, polısııanyń osy oraıda atqaryp jatqan jumysymen tanysty.
Saptyq alańǵa IIM kórsetýge turarlyq túrli tehnıkalary shyǵarylyp, tizilip qoıylypty. Olar osylaısha polısııa qylmys ataýlyǵa qarsy kúreste naqty toıtarys bere alýy úshin barlyq amaldy qarastyryp jatqandyǵyn, soǵan oraı qylmyskerlermen kúresýdegi jańa tehnıkalardyń múmkindikteri zor ekenin pash etse kerek. Úkimet basshysy Serik Ahmetov atalǵan vedomstvonyń krımınalıstıkalyq qyzmetiniń ǵylymı-tehnıkalyq jaraqtalýymen, ony damytýǵa arnalǵan jańa ǵylymı-tehnıkalyq qural-jabdyqtarmen qamtamasyz etilýimen tanysyp, ınjenerlik-saperlik jáne baılanys keshenderiniń, jedel josparlaý ortalyǵynyń, shaǵyn jyldamdyq ólsheýishter men borttyq kompıýterleri bar avtopatrýlderdiń jumys jáne tehnıkalyq jaǵdaıyn bildi. Sonymen qatar, Úkimet basshysy jyljymaly krımınalıstıkalyq zerthana ishin aralap kórdi. Bul jerde Úkimet basshysynyń nazaryna qylmys jasalǵan oryndy tekserýge arnalǵan joryqtyq shatyrlar túrleri de usynyldy.
Budan keıin Serik Ahmetov jedel-krımınalıstıkalyq qyzmettiń genomdyq jáne fızıkalyq-hımııalyq zerthanadaǵy zamanaýı quraldar múmkindigimen tanysyp, ballıstıkalyq jáne trassologııalyq zerthanalar men krımınalıstıkalyq polıgonda boldy. Jalpy, ótken 2012 jyly polısııanyń krımınalıstıkalyq qyzmetti júzege asyrý boıynsha birqatar quzyreti keńeıtilgeni málim. Soǵan oraı ishki ister organdarynyń krımınalısteri salystyrmaly túrde zertteýler óndirisi quqyǵyna ıe bolǵandyqtan, olar endi zattaı dáleldemeler tizbesine engizilgen qorytyndylar bere alady. Bul IIM aldyna aldyn ala tergeý jáne jedel izdestirý is-sharalaryn tehnıkalyq-krımınalıstıkalyq qamtamasyz etý deńgeıi men tıimdiligin arttyrý boıynsha jańa mindetter qoıady.
Odan ári Premer-Mınıstr S.Ahmetov jedel-krımınalıstıkalyq qyzmet quramyndaǵy genomdyq jáne fızıkalyq-hımııalyq zerthanada boldy. Bıologııalyq, genetıkalyq zertteýler júrgizetin zerthana bıologııalyq tizbe jáne DNK-nyń genetıkalyq taldaýlaryn jasaý boıynsha keshendi apparatty qosa eseptegende, sońǵy úlgidegi jańa quraldarmen jabdyqtalǵan. Fızıkalyq-hımııalyq zerthana hımııalyq quramdy sáıkestendirý jáne úlgilerdi salystyrmaly zertteý úshin materıaldarǵa keshendi taldaý jasaýǵa múmkindik beredi.
Polısııanyń krımınalıstıkalyq bólimshelerin jaraqtandyrý úshin byltyr oqıǵa ornynda jumys isteıtin úsh ólshemdik úlgisindegi keshender jáne izdestirý ballıstıkalyq keshenderi alyndy. Odan basqa, IIM-de aýmaqtyq bólimshelerdegi krımınalısterdi oqytý men biliktiligin arttyrý úshin arnaıy baza, qazirgi zamanǵy krımınalıstıkalyq polıgon, qajetti krımınalıstıkalyq tehnıkalar jáne ádistemelik quraldarmen qamtylǵan oqý synyptary quryldy.
Bul oraıda, IIM Ishki áskerleriniń Bas qolbasshysy Rýslan Jaqsylyqov búginde ishki ister organdarynyń qyzmeti aıtarlyqtaı jaqsaryp, Úkimet qoldaýynyń arqasynda jyl saıyn ishki áskerdiń materıaldyq-tehnıkalyq bazasy nyǵaıyp kele jatqandyǵyn aıtty. Elimizdiń qaýipsizdigi úshin qyzmet etetin tıisti barlyq qurylymdar qajetinshe jaraqtandyrylǵan. Sonyń arqasynda keıingi arnaıy júrgizilgen operasııalardyń barlyǵy shyǵynsyz ótýde. Sebebi, Úkimet basshysynyń nazaryna usynylǵandaı, áskerı qyzmetshiler óz mindetin sapaly oryndaýǵa múmkindik beretin búkil qajetti jabdyqtarmen qamtamasyz etilgen. Endeshe, Ishki ister mınıstrliginiń joǵarydaǵy keńeste aıtylǵan barlyq kemshilikterdi joıyp, halyqqa talapqa saı qyzmet kórsete alýyna tolyq jaǵdaı jasalǵan deýge negiz bar.
Aleksandr TASBOLATOV,
«Egemen Qazaqstan».
