Kemshilikti erteńge qaldyrmaı túzeteıik

Seısenbi, 19 aqpan 2013 7:20

«Egemenniń» 13 aqpandaǵy №66 sanynda menshikti tilshi Názıra Járimbetovanyń «Qamshynyń sabymen urmas bolar… Sybaılas jemqorlyqpen kúresý kerek. Asyra silteý kerek pe?» atty kólemdi maqalasy kóptegen oqyrman oıynan dóp shyqqany sózsiz-aq.

Seısenbi, 19 aqpan 2013 7:20

«Egemenniń» 13 aqpandaǵy №66 sanynda menshikti tilshi Názıra Járimbetovanyń «Qamshynyń sabymen urmas bolar… Sybaılas jemqorlyqpen kúresý kerek. Asyra silteý kerek pe?» atty kólemdi maqalasy kóptegen oqyrman oıynan dóp shyqqany sózsiz-aq.

Maqalada aıtylǵandaı, sybaılas jem­qor­lyqpen kúreste kórer kózge asyra silteý, «jos­par qýý» ara-tura ap-aıqyn kórinip qa­lady. Sodan kelip, túk kinási joq jandardyń «ishkeni iriń, jegeni jelim» bolyp júredi. Elimizdegi bir kesir osy. «Apam da ań-tań, men de ań-tań» degendeı, sondaı jaǵdaıdy, keıde kisi kúlerlik sheshimder jaıynda jurt aıtyp ta júr. Menińshe bylaı, prokýratýra, basqa da tıisti qurylymdar aqıqattyń aýy­lynan alshaqtap ketip jatatyndaryn, zań­na­ma-erejelerdegi pispegen tustardy, ózderi árıne, jaqsy biledi. О́ki­nish­ke qaraı, sony aýdandaǵylary oblysqa, oblystaǵylary Astanaǵa aıtyp, arasynda asyra siltep jiberetinderin moıyndaýǵa barmaıdy. О́ıtkeni, birinshiden, ózderine «mynaý ne aıtyp otyr, tynysh júre ber» degen bále tilep alǵysy kelmeıdi. Biraz qyrsyq osydan týyndaıdy.
Iá, sybaılas jemqorlyqpen kúreste qara­paıym túsinikke salǵan adam uǵynbaıtyn jaıt­­­tar tolyp jatyr. Muny erteńge qaldyr­­maı, tú­­­­ze­tý kerek. Tıisti organdar sony shap­shań­­­­datýy qa­jet-aq. Bizde bir nárseni jónge salý jyldap keshigip jatatyny da áleýmettiń ar­­­­­­qasyna aıazdaı batady. Qara qyldy qaq jarmasa, tirligimiz jarǵa tireledi. Bul shúbásiz.
Bolat ESQALIEV,
aýdandyq «Jaıyq tańy» gazetiniń redaktory.
Batys Qazaqstan oblysy. 
Aqjaıyq aýdany.