Sot
Beısenbi, 14 naýryz 2013 1:29
Vladımır Kozlovtyń kassasııalyq shaǵymyn qanaǵattandyrýsyz qaldyrdy
Keshe Mańǵystaý oblystyq sotynyń kassasııalyq sot alqasynda V.Kozlovqa, A.Amınovqa jáne S.Saparǵalıǵa qatysty qylmystyq is qaraldy. Buǵan deıin habarlaǵanyndaı, Aqtaý qalalyq sotynyń 2012 jylǵy 8 qazandaǵy úkimimen: Kozlov Vladımır Ivanovıch QR QK-niń 235-babynyń 1-bóligimen, 164-babynyń 3-bóligimen, 170-babynyń 2-bóligimen kináli dep tanylyp, oǵan QR QK-niń 58-babynyń 3-bóligimen múlkin tárkileýmen 7 jyl 6 aıǵa bas bostandyǵynan aıyrý jazasy taǵaıyndaldy;
Beısenbi, 14 naýryz 2013 1:29
Vladımır Kozlovtyń kassasııalyq shaǵymyn qanaǵattandyrýsyz qaldyrdy
Keshe Mańǵystaý oblystyq sotynyń kassasııalyq sot alqasynda V.Kozlovqa, A.Amınovqa jáne S.Saparǵalıǵa qatysty qylmystyq is qaraldy. Buǵan deıin habarlaǵanyndaı, Aqtaý qalalyq sotynyń 2012 jylǵy 8 qazandaǵy úkimimen: Kozlov Vladımır Ivanovıch QR QK-niń 235-babynyń 1-bóligimen, 164-babynyń 3-bóligimen, 170-babynyń 2-bóligimen kináli dep tanylyp, oǵan QR QK-niń 58-babynyń 3-bóligimen múlkin tárkileýmen 7 jyl 6 aıǵa bas bostandyǵynan aıyrý jazasy taǵaıyndaldy;
Amınov Aqjanat Mendıbaevıch QR QK-niń 235-babynyń 1-bóligimen, 164-babynyń 3-bóligimen, 170-babynyń 2-bóligimen kináli dep tanylyp, oǵan QR QK-niń 55-babyn qoldana otyryp, QR QK-niń 58-babynyń 3-bóligimen 5 jylǵa bas bostandyǵynan aıyrý jazasy taǵaıyndaldy. QR QK-niń 63-baby negizinde A.Amınovke taǵaıyndalǵan jaza shartty dep eseptelip, oǵan 3 jyl synaq merzimi belgilendi. A.Amınovke qoldanylǵan «qamaýǵa alý» túrindegi bultartpaý sharasynyń kúshi joıylyp, sot zalynan qamaýdan bosatyldy;
Saparǵalı Serik Sadyquly QR QK-niń 170-baby 2-bóligimen kináli dep tanylyp, oǵan 4 jyl merzimge bas bostandyǵynan aıyrý jazasy taǵaıyndaldy. QR QK-niń 63-baby negizinde S.Saparǵalıǵa taǵaıyndalǵan jaza shartty dep eseptelip, oǵan 3 jyl synaq merzimi belgilendi. S.Saparǵalıǵa qoldanylǵan «qamaýǵa alý» túrindegi bultartpaý sharasynyń kúshi joıylyp, sot zalynan qamaýdan bosatyldy.
Mańǵystaý oblystyq sotynyń qylmystyq ister jónindegi apellıasııalyq sot alqasynyń 2012 jyldyń 19 qarashadaǵy qaýlysymen sot úkimi ózgerissiz qaldyrylǵan bolatyn. Atalmysh sot aktilerine sottalǵan Kozlov pen onyń qorǵaýshylary V.Sarsembına men A.Plýgov tarapynan kassasııalyq tártippen shaǵym keltirildi. Al sottalǵan Amınov Aqjanat Mendıbaevıch pen Saparǵalı Serik Sadyqulyna qatysty úkimniń bólikterine kassasııalyq narazylyq nemese shaǵym berilgen joq.
Kassasııalyq sot alqasyna proseske qatysýshylar, sottalǵannyń týystary men qyzmettesteri, BAQ ókilderi men baqylaýshylar qatysty. Mańǵystaý oblystyq sotynyń 2013 jylǵy 13 naýryzdaǵy qaýlysymen Aqtaý qalalyq sotynyń 2012 jylǵy 8 qazandaǵy úkimi jáne Mańǵystaý oblystyq sotynyń qylmystyq ister jónindegi apellıasııalyq sot alqasynyń 2012 jylǵy 19 qarashadaǵy qaýlysy ózgerissiz qaldyryldy, sottalǵan V.Kozlov pen onyń qorǵaýshylarynyń kassasııalyq shaǵymdary qanaǵattandyrýsyz qaldyryldy. Sot qaýlysy zańdy kúshine endi, dep habarlady Mańǵystaý oblystyq sotynyń baspasóz qyzmeti.
