Bul kezdesýge 30-dan astam adam jeńil dene jaraqatyn alǵan turmystyq daý sebep boldy. Oqıǵany tekserýmen, sondaı-aq ken ornyndaǵy eńbekti uıymdastyrý máselelerimen Atyraý oblysy ákiminiń birinshi orynbasary bastaǵan vedomstvoaralyq komıssııa aınalysady.
«Bul másele túrli eńbek jaǵdaıy saldarynan týyndady. TShO basshylyǵy da, barlyq merdigerler de sheshýi tıis júıelik másele. Biz óz tarapymyzdan barynsha qoldaý kórsetýge daıynbyz. Investorlar mynany túsinýi kerek - elimizdiń aýmaǵynda jumys istep jatqan kezde zańnamany saqtaýy tıis, sondaı-aq adamdardyń namysyna tıetin moraldyq-etıkalyq normalardy eskergeni jón. Taıaý ýaqytta jobanyń barlyq qatysýshylarymen kezdesý ótkizemiz. Oǵan kompanııanyń barlyq birinshi basshylary qatysady, osy máselelerdi sheshemiz. Eń bastysy - eńbek jaǵdaıy barlyǵyna birdeı bolýy kerek», dedi Nurlan Noǵaev.
«Teńizshevroıl» JShS bas dırektory Imer Bonner óz kezeginde atalmysh jaǵdaıdy retteý jáne bolashaqta mundaı keleńsizdikterge jol bermeý úshin kompanııa qoldan kelgenin isteıtinin aıtty.
«Biz jergilikti atqarýshy jáne quqyqqorǵaýshy organdarǵa shıelenisti tez retteýge kómekteskeni úshin alǵys aıtamyz. О́z tarapymyzdan CSER kompanııasymen, sondaı-aq basqa da merdiger uıymdarmen jumys júrgizemiz», dedi Imer Bonner.
Jınalystan keıin oblys ákimi CSER kompanııasynyń jumysshylarymen kezdesti.
«Biz oblys ákiminiń birinshi orynbasary bastaǵan vedomstvoaralyq komıssııa qurdyq. Ol teń eńbek jaǵdaıyn qamtamasyz etý máselesimen aınalysady. Sizder komıssııanyń quramyna óz ókilderińizdi qossańyzdar bolady. Meniń áriptesterim nómirlerin qaldyrady. Jaǵdaıdy jaqsartý boıynsha óz usynystaryńyzdy aıtyńyzdar. Sizderdiń jumys kestelerińizde eshqandaı ózgeris bolmaıdy, jumys qalypty rejimde jalǵasa beredi», dedi Nurlan Noǵaev.
