Arystyń balalary Baıanaýylǵa keldi

Oblystyq bilim basqarma­synyń málimetinshe, ekinshi ke­zeń úshin balalardy qabyldaý já­ne uıymdastyrý boıynsha je­del is-qımyl jospary ázir­lengen.

Balalardy ornalastyrý úshin «Qazhrom» AQ ferroqorytpa za­ýy­tynyń, basqarmanyń «Jas dáýren», «Baldáýren» oqý-sa­ýyq­tyrý ortalyǵy, Sharbaqty aýda­­ny «Chaıka» balalar lageri da­ıyn­dalýda.

Jedel is-qımyl jospa­ryna sáıkes oblystyń bilim bas­­qar­­masy, polısııa de­par­tamenti, Taýarlar men qyzmett­erdiń sa­­pasy men qaýip­sizdigin ba­qylaý depar­ta­menti, Tótenshe jaǵ­daılar jáne densaýlyq saq­taý basqar­masy birlesip, atal­ǵan or­talyqtarda bala­lar­dyń qa­ýip­sizdigin qamtamasyz etý sha­ralaryn júrgizýde.

Osynda kelgen balalarǵa me­dısınalyq járdem kórse­tiledi. Olardy mýzeılerge, bas­qa da mádenı-demalys oryn­daryna aparyp, túrli ekskýrsııalyq týr­lar uıym­das­tyrylady. Qarjy­landyrý bıýd­jettik já­ne bıýdjetten tys qarajat ese­binen qam­ta­masyz etiledi.

О́tken aptada balalardyń alǵashqy legi de kelip jetti.

 – Jaqsy ushyp keldik! Týǵan kúnimdi ushaq ishinde ótkizdim jáne jańa jerde qarsy alý kút­pegen tosyn syı boldy, – deıdi Erlan Asqar.

Jalpy sany 130 bala men 10 je­tekshi Baıanaýyldaǵy demalys oryndaryna jetkizildi.

 Qazir «Jas dáýren» lage­rinde 6, 7-synyp oqýshylary Baıan­aýyldyń ásem tabıǵatyn qyz­yq­tap, Sabyndykól, Jasy­baı, Tor­aıǵyr kólderiniń jaǵa­synda demalýda.

Alǵash ret ushaqqa mingen, alys jolǵa shyqqan balalardyń biri Nurlan Beısembektiń aıtýynsha, ásem tabıǵat aıasyn­daǵy jazǵy demalystary bu­ryn­ǵy qorqynyshtyń bárin umyt­­tyryp jiberipti.

Arys qalasyndaǵy №372 mek­teptiń muǵalimi Aqjarqyn Ken­jebek balalardyń úılerine jaqsy kóńil kúımen oralýyna osyndaı syılyq jasaǵan oblys ákimdigine alǵys bildirdi.

 Ekinshi kezeńde óńirge taǵy 170 bala keledi. Bul kezeńde ob­lys ortalyǵynda oqıtyn «Ser­pin» baǵdarlamasynyń stý­dentteri tálimger jáne tárbıeshi qyzmetin atqarady.

Pavlodar oblysy