G.N.Ábdiqalyqova Prezıdent Q.Q.Toqaevtyń 12 maýsymda Qazaqstan Respýblıkasynyń Prezıdenti qyzmetine kirisýiniń resmı rásiminde aıtqan sózderine nazar aýdardy.
«Biz konstrýktıvtik, teńdestirilgen, kóp baǵytty syrtqy saıası qadamymyzdy jalǵastyramyz. Álemdik arenada ulttyq múddelerdi nyq ilgeriletetin jáne qorǵaıtyn bolamyz. Eldiń syrtqy saıası qyzmeti elge, ulttyq bızneske, árbir azamatqa naqty paıda ákeledi», dedi ol.
Sondaı-aq ol Memleket basshysy halyqaralyq qarjy ınstıtýttarymen yntymaqtastyqqa mańyzdy mán beretindigin atap ótti.
«Biz Tuńǵysh Prezıdent - Elbasy N.Á. Nazarbaevtyń 2015 jyly Ulybrıtanııaǵa sapary barysynda jasalǵan AHQO, EQDB jáne The City UK brıtandyq uıymdar qaýymdastyǵy arasyndaǵy ózara túsinistik týraly úsh jaqty memorandýmdy júzege asyrýdy joǵary baǵalaımyz», dedi Gúlshara Ábdiqalyqova.
Kezdesý barysynda EQDB-men yntymaqtastyqtyń bir qatar ózekti máseleleri talqylandy. 26 jyldan asa ýaqyt ishinde 7,5 mlrd eýro somasyna 246 joba qarjylandyryldy. 2015 jyldan bastap «Bıznestegi áıelder» birlesken baǵdarlamasy júzege asyrylýda, jalpy somasy 26,1 mlrd teńgege 20 myń aýyldyq jerlerde áıelder basqaratyn shaǵyn jáne orta bıznes sýbektilerine qaryz berildi. 2017 jyly «Bıznestegi áıelder» ekinshi baǵdarlamasy iske qosyldy, ol 100-den astam kásipker áıelder úshin kásipkerlik máseleleri boıynsha konsaltıngtik qyzmetter kórsetýdi, koýchıng ótkizýdi kózdeıdi.
Taraptar yntymaqtastyqty damytýdyń aǵymdaǵy serpinine qanaǵattanýshylyq bildirdi jáne ınklıýzıvti damý men áıelderdiń ekonomıkalyq múmkindikterin keńeıtý boıynsha jobalardy iske asyrý máselelerin talqylady.
Birlesken jumystyń nátıjesinde 2018 jyly genderlik shekteýleri bar tizbeden jumystyń 96 túrin alyp tastaý múmkindigi týdy, osylaısha áıelderge ruqsat etilmegen jumystardyń sany shamamen 30%-ǵa qysqartyldy. Bul birinshiden, áıelderge býldozer, greıder jáne lokomotıv mashınısi, asfaltbetonshy, metall quıýshy, qazanshy, tıeý mashınasynyń mashınısi, kranshy, mehanık jáne elektrık jáne t.b. sııaqty aqyly jumys oryndaryn alýǵa múmkindik berdi. Ekinshiden, áıelder eńbek naryǵynyń genderlik negizinde bólinýin qysqarta otyryp, jyldam ósip kele jatqan jáne joǵary aqy tólenetin sektorlarda jumys isteý múmkindigine qol jetkizdi.
Kezdesýde sondaı-aq jasyl tehnologııalar salasynda áıelderdiń qatysýymen ǵylymı zertteýlerdi damytý máseleleri talqylandy.
